Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
- Communiqué de presse -
Ya d'ar brezhoneg : bilañs ha kinnigoù nevez

D'an 22 a viz Ebrel 2014 e oa bet kinniget stumm nevez Karta Ya d'ar brezhoneg e Klub ar Gazetennerien e Roazhon. 10 vloaz zo e oa bet digoret ar garta

Visant Roue pour Office Public de la Langue Bretonne / Ofis Publik ar Brezhoneg. (OPLB / OPAB) le 23/04/14 16:40

D'an 22 a viz Ebrel 2014 e oa bet kinniget stumm nevez Karta Ya d'ar brezhoneg e Klub ar Gazetennerien e Roazhon.

10 vloaz zo e oa bet digoret ar garta “Ya d'ar brezhoneg” d'ar strollegezhioù publik evit ar wech kentañ. 10 kumun a oa bet bodet e Pondi e penn-kentañ. Hiziv eo 167 o deus votet un divizadeg da lakaat e pleustr ar garta kinniget gant an Ofis Publik. Berzh zo bet graet rak 1 Breizhad diwar 3 a vev en ur ur gumun “Ya d'ar brezhoneg” bremañ.

Evit Ajañs Diorren an Ofis Publik a heuilh an teuliad-se eo ul labour a bouez : ouzhpenn 1000 emvod zo bet gant ar c'humunioù-se ha 835 ober zo bet kaset da benn a-drugarez d'ar skoazell degaset gant an OPAB. En tu all d'ar sifroù-se eo kalite an divyezhegezh a zo bet gwellaet ivez evit kinnig ur servij heñvel d'an dud en 2 yezh.

Nevesaet e oa bet ar garta e 2008 c'hoazh. Ur 4e live ha 12 ober nevez a oa bet ouzhpennet d'ar mare-se. E 2014 e oa erru ar mare da gemmañ ar garta adarre. 15 ober nevez zo kinniget, lod anezho evit mont da heul al lezennoù nevez (Prantadoù an Obererezhioù Troskol al lezenn Peillon da skouer), lod all da vont war dachennoù da gas ar brezhoneg pelloc'h warno (ar magourioù dre soubidigezh, ar buheziñ e ti ar re gozh). Ment ar c'humunioù a vo kemeret e kont muioc'h ivez, da gaout palioù e-keñver diorren ar c'helenn divyezhek dreist-holl.

Da ziorren plas ar yezh er servij kinniget d'an dud e vo broudet an tiez-kêr da duta implijidi divyezhek war tachenn ar skolioù (skoazellerezed-mamm), ar vugaligoù (magourioù) hag ar c'hreizennoù-dudi.

mailbox
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font 1 multiplié par 2 ?