Put your name here

D’ar Sadorn 29 a viz Ebrel 2023 – Kastell-Paol – Plougouloum – Trelaouenan – Kleder – Berven (lusket gant Rafael Urien) Goude un troc’h abalamour da emvac’hadennoù ar C’hovid e lidimp adarre hevlene emgann Kergidu (gant ur miz bennak a zale).

E miz Meurzh 1793 e save poblañs Gorre Leon, renet gant Klaod Gabriel a Gerbalaneg, a-enep d’ar republikaned c’hall, ar jeneral Canclaux pergen en o fenn. Goude kabaduilh Kastell-Paol ar Meurzh 19 ez a an emsavidi d’en em aozañ e Plougouloum. War-nes int d’ober o stal d’ar republikaned c’hall deuet war o lerc’h e-kichen pont Kergidu, pa’z eo ar C’hallaoued saveteet a-benn ar fin gant o c’henseurted o tegouezhout eus Lesneven, d’ar Sul 24.

Kreñv eo chomet koun an emgann e-touez Leoniz, ken ma skrivas Lan Inizan tri c’hard kantved goude an darvoudoù un danevell anezho. Daoust d’ar pezh a greder alies, n’eo ket oberenn Lan Inizan lennegezh hepken. Ur vammenn Istor eo ivez, da geñveriañ gant dielloù all.

Evit an 4re gwech, ha goude un troc’h, e lidimp hevlene an darvoud-mañ.

Erbediñ a reomp deoc’h, a-raok dont, lenn :

-Lan INIZAN, Emgann Kergidu (embannadurioù Al Liamm), Levrenn I, Pennadoù 13 (darvoudoù Kastell-Paol) ha 14 (emgann Kergidu) ; Levrenn II, Pennad 17 (goude an emgann, repu e koadoù Kermengi)

-Rafael Urien, "Emgann Kergidu : eus al Lennegezh d’an Istor", Aber 22 (Goañv 2005), p.514-556

Aozadur an devezh :

-2e goude merenn : displegadenn war ar c’henarroud Istor, e tavarn ar "Parvis", Kastell-Paol (e-kichen an Iliz-Veur)

-da c’houde (mard eo brav a-walc’h an amzer) : loc’hañ eus Kastell-Paol gant kirri-tan war-zu Plougouloum ha Kergidu, gant arsavioù war an hent ha displegadennoù war al lec’hioù

-degouezhet e pont Kergidu : kerzhadeg gant displegadennoù war lec’hioù an emgann, ha goude war-zu Trelaouenan, koadoù Kermengi (Kleder) ha Berven (Gwitevede)

-evit ar re a blij dezho : pred e milin Kergidu (gallout a reer mirout : preti "Le Moulin de Kergidu", 02 98 79 35 44, moulindekerguiduff [at] gmail.com ; komz galleg ouzh tud an davarn)

Ma n’oc’h eus ket a garr-tan, pe na fell ket deoc’h mont betek Kastell-Paol gant hoc’h hini, e c’hallit bepred goulenn diganeomp hag-eñ e vefe tud prest da genweturiñ ganeoc’h. Trugarez neuze da gemenn deomp mard emaoc’h e soñj dont gant pe hep karr-tan

Aozet gant ar Gevredigezh vrezhon ; titouroù : kevredigezhvrezhon [at] yahoo.ie

• War roudoù emgann Kergidu par Kevredigezh Vrezhon le 18/03/2018
  
• Kafedioù Istor 2017-2018 hag obererezhioù all par Kevredigezh Vrezhon le 30/10/2017
  
• War roudoù emgann Kergidu par Kevredigezh Vrezhon le 04/06/2017
  
• Notre ami Paskal Laizé nous a quittés par MAB, Musée Archipel Breton le 27/03/2017
  
• Saloñs Awen Breizh Poellgor an Tarv e Kastell-Paol par Académie Bilingue des Arts de Bretagne le 30/09/2016
  
• Emgann-Vents d'Ouest par David Le Yaouang par RUNJE la revue en gallo le 17/05/2016
  
• Emgann, Vents d'ouest de David Le Yaouang par Éditions Yoran Embanner le 03/05/2016
  
• Soutien d'Emgann MGI à la liste "en avant Bretagne" par Emgann pays de Lorient le 30/05/2012