Put your name here

Gant strollad Ai'ta !, hag a zifenn implij ar brezhoneg er vuhez foran, e vo aozet ur votadeg foran d'ar sadorn 21 a viz C'hwevrer, eus 10e da greisteiz, dirak ti-gar Gwengamp. Pal ar votadeg-mañ a vo goulennata ar veajourien, an implijidi, kement ha tud ar vro war plas ar brezhoneg en ti-gar nevez da-heul al labourioù a echuo a-benn miz Mae. Ur goulenn eeun a vo savet outo : « Ha mat eo deoc'h e vefe divyezhek, brezhoneg ha galleg par-ouzh-par, ti-gar Gwengamp ? »

Ur strollad hag a stourm evit diorren ar brezhoneg er vuhez foran eo Ai'ta !. Abaoe m'eo bet krouet e 2005 en deus goulennet hor strollad emgavioù ha skrivet un toullad lizhiri da renerien an SNCF ha da Guzul rannvro Breizh evit goulenn ma vo brezhoneg en trenioù hag en tiez-gar (panellioù, mekanikoù, kemennadennoù dre gomz, lakaat war-raok an implijidi a oar brezhoneg…). Ne c'hell chom bev ur yezh nemet ma c'heller ober ganti bemdez, da lavaret eo gwelet, klevet ha komz brezhoneg e kement degouezh posubl. Kement-mañ a rank bezañ gwir ivez er rouedad tiez-gar ha trenioù a gaver e Breizh, rak kalzig a dud a vez o vont hag o tont drezhañ. Perak 'ta e vefe dibosubl ober e Breizh ar pezh a vez graet abaoe pell evit yezhoù minorel all en Europa ?

Abaoe meur a vloavezh e vez graet gant ar brezhoneg e tiez-gar TER/THR zo. Labourioù a vez en holl diez-gar TGV/TTB (evel amañ e Gwengamp), pe a vo a-raok pell. Un degouezh a zoare eo eta evit degas ar brezhoneg el lec'hioù-se, ha war ar panelloù da gentañ penn, par ouzh ar galleg (memes titouroù en div yezh, memes ment, memes stumm d'al lizherennoù), evit ma c'hello ar vrezhonegerien ober aes gant o yezh. Gant an oberoù-mañ ez aio an SNCF war ar memes hent hag ar politikerezhioù yezh bet votet gant ar strollegezhioù lec'hel (kumun ha Kumuniezh kumunioù Gwengamp, rannvro Breizh). Harpet eo ivez ar goulenn-mañ gant un toullad senedourien ha kannaded deus ar vro, en o zouez Annie Le Houerou, kannadez Gwengamp.

Deuit niverus da embann ho soñj ha/pe da sikour evit kas ar votadeg da benn !

• La Bretagne au Salon de l’agriculture 2018 - Une signalétique ouestienne ! par Yves-François Le Coadic le 06/03/2018
• La mairie de Vannes installe finalement une signalétique bilingue par Ai'ta ! Kreiz Breizh le 25/03/2017
• Projet de signalétique SNCF des gares de Bretagne : inacceptable en l'état ! par Ai\'ta ! Bro Dreger le 09/07/2015
• Votation citoyenne à Quimperlé : SNCF, région et ville de Quimperlé, vers une signalétique commune ? par FC le 27/06/2015
• Votation citoyenne en gare de Guingamp le 21 février par Ai'ta ! Kreiz Breizh le 16/02/2015
• Ai'ta ! Opération de bilinguisation de la signalétique du campus de Tohannic, Vannes par Ai'ta ! Bro Gwened le 22/11/2014
• SNCF et langue bretonne : à quand la fin du mépris ? - An SNCF hag ar brezhoneg : peur e chomo a sav ar goap ? par Ai'ta ! Kreiz Breizh le 13/05/2014
• La pépinière d'entreprise Ecodia de Dinan met en place une signalétique gallo-français par F. Lécuyer le 10/12/2011
• La demande de signalétique en langue occitane fait de belles vagues : manifestation et proposition de loi par un sénateur de l'Aude par Maryvonne Cadiou le 03/12/2010
• Bretons en Colère satisfait de la bretonnisation de la signalétique routière par Bretons en colère le 24/11/2005