Ur romant hir, fentus ha sirius war-un-dro evit Nedeleg

- Présentation de livre -

Emañ IMBOURC'H oc'h embann ur romant evit Nedeleg romant Youenn Olier : "Poanioù Spered an Tad Gwazdoue"

Tepod Gwilhmod Par Emglev An Tiegezhioù le 12/12/12 16:32

Emañ IMBOURC'H, ti-embann Emglev An Tiegezhioù o paouez embann romant Youenn Olier :

Poanioù Spered an Tad Gwazdoue

Setu aze ur romant hir, 300 pajennad e brezhoneg - n'eus ket kalz en hor yezh - gant Youenn Olier, ur skrivagner marvet 8 vloaz 'zo hag a zo puilh e skridoù.

An istor :

Hanter-kant vloaz 'zo, war e wele e klinikenn Kerlena Roskov, e skrivas Youenn Olier e romant kentañ, dres d'ar mare ma oa birvilh en Iliz ha ma voe igoret Sened-Meur Vatikan II e Roma.

Ur c'helenner war ar brederouriezh, an Tad Gwazdoue, eo an dudenn bennañ. Kelenn a ra en ur skolaj prevez a Vro-Wened. Mouget e vez dezhañ etre mogerioù uhel ar skolaj-se. Klask a ra an dro da c'hellout ober troioù er-maez eus e skolaj gant e reolennoù strizh a drugarez d'ur … strakell. An Tad Prefed - an Tad Bleiz -, a glasko lakaat e gabestr warnañ…, hag ar soubenn a drenko da vat etre an daou veleg.

War zigarez un romant leun a fent evel m'henn diskouez talbenn al levr e-unan, e taolenn Youenn Olier doare an Iliz d'ar poent-hont, en em gave etre daou ved : hini ar gevredigezh plouezat kristen a viskoazh o tizeriañ, hag hini ar gevredigezh kêrel dizoue, deuet diwar Filozofed an Sklêrijennoù... Diskouez a ra eta penaos edo an Iliz 50 vloaz 'zo, hag ar c'hemm ez eus bet er bloavezhioù tri-ugent-se.

Poanioù-Spered en deus an Tad Gwazdoue gant e vrokadennoù hag e c'hoantoù bugelel un tamm, dister ha farsus war-un-dro. Gant piv ez aio ar maout, gant ar “Bleiz” pe gant an “Oan” ?...

300 pajennad, 18,50 € franko

Kas ho chekenn war anv IMBOURC'H da :

Yann MIKAEL, 12 straed René Giraud 44130 BLAEN

Voir aussi :

Pirc’hirin ar menez, romant gant Gunnar Gunnarsson par Éditions Aber le 07/10/2022
Istor Faber, romant nevez Jakez Erwan Mouton par Kerne Multimédia le 06/05/2021
Saloñs Levr' e Gwened : Priz ar romant e brezhoneg bet gant Goulc'han Kervella par Ti ar Vro Bro Gwened le 19/06/2019
KEST, ar romant aodio kentañ e brezhoneg ! par Blaz produktion le 19/11/2018
ABER a embann Temptadur ar c’hloareg Frañsez, Romant gant Goulc’han Kervella par Éditions Aber le 11/08/2018
Tad eizh brec'h, ur romantig nevez evit ar vugale par Kerne Multimédia le 25/10/2016
Pa vez roet ul liv romantel d'ur film... par FC le 29/09/2015
Bara Brith, romant nevez David ar Gall par FC le 18/08/2015
Ur romant polis mod nevez da vout embannet e miz Here par FC le 12/07/2015
Yudal! ur romant nevez gant Erwan Hupel par Éditions Al Liamm le 29/08/2013

Gwelout pennadoù all Emglev An Tiegezhioù

Vos 1 commentaires

Naon-e-dad Le Mercredi 12 décembre 2012 19:44

An Tad Gwazdoue!
Kalz gwelloc'h eo evit an Tad Nedeleg !
Un añv-familh eo ivez e-barzh ar vro. Yann Gwazdoue e Breizh, n'emañ ket eñ tudenn a vojenn mes añv gwir den pe zen.
Pa welan kavadenn seurt-se e teu din al lorc'h rak hon yezh ken brav!

(0)

Commenter :

Put your name here

ABP

Embann

Nous suivre