Un ti-krampouezh pe ur greizenn sevenadurel ?

-- Cultures --

Chronique de Kerne Multimédia
Porte-parole: Fanny Chauffin

Publié le 22/04/17 9:58 -- mis à jour le 00/00/00 00:00

Drol eo da welet : e Kemperle e vez gwelet ur greizenn Leclerc atav brasoc'h, o lakaat e grabanoù e pep lec'h : boued, ar jardin, an dilhad, ar sevenadur... Ha marv kreiz kêr Kemperle gant Mellag Kervidannou da gentañ, ha takad konversanted Kegoaler bremañ. O serriñ emañ pep stal vihan pep hini e dro, ret eo d'ar re a chom bout kalonek evit klask kenderc'hel gant ur stal dilhad, levrioù, boued..., gant nebeut a glianted...

Ha nevez zo, implijet gant Leclerc adarre, war skritelloù bras «Decaux», ar ger «Kemperle», gant stalioù evit fardañ boued, bara, pizza, gwastili, .... e-barzh ar gourc'hmarc'had, evit diskouez n'emaint ket o werzhañ traoù graet e China, pe, evel e Stadoù Unanet, graet 2.400 km pelloc'h... Ar stalig bio e-barzh ar stal vras a zo gant ar memes pal : nompas c'hwitaat ar re a c'hellfe mont da brenañ e lec'h all, e Biocoop da skouer. Hag ar frouezh ha legumaj dindan plastek, a zo just a-walc'h ar re a zo bio... Klaskit kompren un dra bennak...

E Ti Billig, plasenn Sant Mikêl e Kemperle eo ar c'hontrol mik : krampouezh graet en ti gant bleud eus bro Kemper, gant produioù ar vro, gant levrioù, fotoioù, arzourien... Hag o welet koubladoù yaouank, bugale o tremen ingal e c'heller soñjal : marteze emañ e seurt lec'hioù e vez ijinet ur vro gant ur c'hreiz-kêr bev, gant fent, awen hag ijin ?

Voir aussi :
mailbox imprimer
Doktorez e Skol Veur Roazhon 2 hag e strollad Ermine-CRBC. Kelennerez e lise Diwan Karaez. Blogerez en ABP abaoe 2005, amzer skrivañ kalzig a bennadoù, kantadoù a videoioù... ha da vezañ lennet meur hag 1 300 000 gwech. Lec'hiennoù all : Pajenn Facebook Ermine, Tv Bro Kemperle,Tv Lise Diwan.

Vos commentaires :

ANTI-SPAM : Combien font 5 multiplié par 4 ?
Note : Ce lieu est un lieu de débat. Les attaques personnelles ne sont pas autorisées. Le trolling est interdit. Les lois contre le racisme, le sexisme, et la diffamation doivent être respectées. Les pseudos sont tolérés mais ne sont pas encouragés. Par contre l'utilisation d'anonymiseurs pour modifier votre numéro ip entrainera la suspension de vos commentaires.

--Publicité--
yoran embanner