Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
désolé cette photo n'existe plus
- Communiqué de presse -
Un ti-gar teiryezhek e Breizh
N'hunvreit ket. E Breizh zo un ti-gar, ha n'eo ket divyezhek, met teiryezhek mar plij ! Ha doujañ a ra an SNCF ouzh ar yezhoù bihan bremañ ? Hag ober a ra diouzh e wellañ evit lakaat war-wel ar brezhoneg hag ar gallaoueg ? Trawalc'h gant an hunvreoù. N'eus ket plas
Jérémy Robin pour Ai'ta ! le 23/01/06 18:24

N'hunvreit ket. E Breizh zo un ti-gar, ha n'eo ket divyezhek, met teiryezhek mar plij ! Ha doujañ a ra an SNCF ouzh ar yezhoù bihan bremañ ? Hag ober a ra diouzh e wellañ evit lakaat war-wel ar brezhoneg hag ar gallaoueg ? Trawalc'h gant an hunvreoù. N'eus ket plas d'hon yezhoù en SNCF, int e-sell da vezañ e penn ar jeu en Europa. Bevet ar saozneg hag an alamaneg kentoc'h pa weler teiryezhegezh ti-gar Naoned. War a weler zo yezhoù arruet mat gant pennoù bras an SNCF, dreist-holl ma tegasont arc'hant dezhe. Petra lâret diwar-benn soñjoù vil an SNCF, brav dezhe bezañ dindan ar galloud ekonomikel ? Ha kement-mañ daoust d'an dud tomm d'al liested sevenadurel 'h a gant an tren ha daoust d'ar reoù a gomz yezhoù bihan. Gwashaat ma 'h eo strizh o sell war mennozh ar servij publik ! Gant-se eo heugus komzoù pennoù bras an SNCF diwar-benn al liesyezhegezh. Mat ouzh ar saozneg hag an alamaneg, diseblant pe a-enep d'ar yezhoù bihan. En tu-hont da se n'o deus ket a vezh o lâret dimp 'h aio kalz (re) a arc'hant digante da vrezhonekaat an tier-gar, goude m'eo skritellet yezhoù all, gant ur pouez ekonomikel all, gwir eo. Ar brezhoneg hag ar gallaoueg, yezhoù didalvez ! Dimp da veuleudiñ memestra an SNCF evit ar perzh bihan e c'hoari e emdroadur vrein ar bed : tud heñvel an eil reoù ouzh ar reoù all, sevenadurioù dindan an ekonomiezh, marv ar yezhoù hag ar sevenadurioù bihan dirak tourter ar vedeladur liberalet#8230;

Cet article a fait l'objet de 1304 lectures.
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font ( 9 multiplié par 0) + 2 ?

ABP

Embann

Nous suivre

2003-2024 © Agence Bretagne Presse, sauf Creative Commons