ABP

- Annonce -

Un dresadenn-vev nevez war Brezhoweb evit an distro-skol

Brezhoweb a ginnig deoc'h un dresadenn-vev nevez flamm evit an distro-skol 2023 ! Alis ha Lewis, awenet gant troioù-kaer Alis e Bro ar Burzhudoù, a zo da welet er mare-mañ war Brezhoweb.

Par Florent Grouin pour BREZHOWEB le 6/09/23 8:24

Alis ha Lewis en breton : Pa ya Alis da Vro ar Burzhudoù, ne oar ket gwech ebet peseurt doare tro-gaer a vo bevet ganti ! Kouezhañ en oabl, dastum Fleur an Didrouz, treuziñ Traoñienn an Noz, tec’hel kuit diouzh ar C’haktuzaigoù… Pa vefe prederiet gant un dra bennak er bed gwir pe pa ’c’h afe gwall vat ganti, ingal eo, mont a ra da gaout Lewis, he frei gwellañ. Ha dalc’hmat e vez-eñ prest da frealziñ anezhi, da souezhiñ anezhi pe da lakaat anezhi da c’hoarzhin. Hag ar c’hontrefed !

Réalisation : Blue spirit (334 vues)

Brezhoweb a ginnig deoc'h un dresadenn-vev nevez flamm evit an distro-skol 2023 ! Alis ha Lewis , awenet gant troioù-kaer Alis e Bro ar Burzhudoù, a zo da welet er mare-mañ war Brezhoweb. 52 rann, 11 munutenn pep hini, a vo skignet war Brezhoweb a-hed ar bloavezh skol, ha da welet evit netra 'giz boaz. Un dresadenn-vev a-feson evit ar vugale adalek 4 bloaz.

Klikit amañ a-benn gwelet ar rannoù kentañ

An heuliadenn berr-ha-berr :

Pa ’c’h a Alis da Vro ar Burzhudoù, ne oar ket gwech ebet peseurt doare tro-gaer a vo bevet ganti ! Kouezhañ en oabl, dastum Fleur an Didrouz, treuziñ Traoñienn an Noz, tec’hel kuit diouzh ar C’haktuzaigoù… Pa vefe prederiet gant un dra bennak er bed gwir pe pa ’c’h afe gwall vat ganti, ingal eo, mont a ra da gaout Lewis, he frei gwellañ. Ha dalc’hmat e vez-eñ prest da frealziñ anezhi, da souezhiñ anezhi pe da lakaat anezhi da c’hoarzhin. Hag ar c’hontrefed !

Pezh zo sur eo n’eo ket alies e c’hall distign an daou frei : ar Rouanez ne vez ket pell gwech ebet ! Ha da c’houll groñs kaout ur wastell kaotigell koumoul n’eus ket diouti, da embann ec’h eo ret aozañ ur fest n’eo-ket-echu-ma-bloaz, da roiñ urzh da Alis da vezañ he freiez wellañ dezhi… Ma, sklaer awalc’h, soñjoù souezhus e-leizh he dez ar Rouanez forzh penaos ! Ha bezañ zo deus ar breurig Touidi hag ar c’hoarig Touidoum ivez. Kap eo an daou-se da zont da bediñ Alis ha Lewis d’ur safari Touimoutigoù – ar boudoù ront hud-se a vev e Bro ar Burzhudoù – ; da gempenn o zi-rodell ; da aozañ ur redadeg mailhed ouez… Ha ne vefe ket brav ankouaat zo ivez deus Charlig, niz ar Rouanez, deus Chester, ar c’hazh-nij, deus Dodig an dodo, deus ar Strobilevraoueger, deus Tugino…

Ma, komprenet pep tra ganeoc’h : plijadur e-leizh o dez Alis ha Lewis dalc’hmat, hag eürus e vezont bewech o’n em gavet o-daou e Bro ar Burzhudoù !

Voir aussi :

Xavier de Langlais, le père du peurunvan par BREZHOWEB le 17/09/2024
Un cheesecake breton pour lancer la nouvelle saison de Made e Breizh ! par BREZHOWEB le 12/09/2024
Anne de Bretagne, dernière duchesse de Bretagne par BREZHOWEB le 10/09/2024
Anna Vreizh, dukez diwezhañ dugelezh Breizh par BREZHOWEB le 10/09/2024
Faot a ra deoc'h skrivañ un abadenn evit Brezhoweb ? par BREZHOWEB le 12/07/2024
Jeanne Jugan, la sainte bretonne fondatrice des Petites Sœurs des Pauvres par BREZHOWEB le 11/07/2024
Le breton arrive dans Google Traduction par BREZHOWEB le 27/06/2024
An drouizelezh, ur relijion ? par BREZHOWEB le 23/05/2024

An tele nemetañ e brezhoneg penn-da-benn ! Abadennoù evit ar re vras hag ar re vihan, filmoù, teulfilmoù, tresadennoù-bev, rummadoù, sitkomoù... Adkavit an holl brogrammoù e brezhoneg war lec'hienn Brezhoweb war-eeun etre 6e noz ha 10e30 noz, pe er replay pa faot deoc'h.

[ Gwelout pennadoù all BREZHOWEB]

Vos 1 commentaires

Naon-e-dad Le Jeudi 7 septembre 2023 15:19

Aliiiiis !. Me zo sot ganti !
.
A ! Humm…n’eo nemet un dudenn dresadenn-vev… ! ? Gwazh a se, neuze.
Brav ar pennad-mañ e yezh….

(0)

Commenter :

Put your name here

ABP

Agir

Nous suivre