UDB Kreiz Breizh a embann e skoazell da Yannig Baron, prezidant Dihun, a zo oc’h ober harz-debriñ dibaoe 16 devezh evit sevel a-enep doareoù deskadurezh katolik Breizh da verañ kelennadurezh ar brezhoneg en he skolioù.

UDB Kreiz Breizh n’eo ket evit degemer e rankfe ur stourmer evit ar brezhoneg lakaat e vuhez en arvar evit disachañ evezh pennoù bras deskadurezh katolik Breizh war ar skoilhoù liesseurt hag ar c’hiladennoù dibaouez a vez graet gante da stankañ hent ar brezhoneg en o skolioù.

Goût a reomp mat e Kreizh breizh eo ken start all an traoù gant an deskadurezh publik divyezhek : un hanter bost vije serret a-benn an distro skol e Rostrenn hag e vez nac’het digeriñ ur c’hlas e Bulad, gant 20 bugel enskrivet, a-benn an distro skol 2006… UDB a zegas e skoazell da dud ar vugale ha d’ar gelennerien ar skolioù-se a c’houl vije dalc’het ar post e Rostrenn ha digoret ur c’hlas divyezhek e Bulad a-benn distro skol 2006. UDB zo bet laouenaet o welet, zo bet kadarnaet, da Yannig Baron gant pennoù bras eskoptioù Aodoù-an-Arvor, digoradur daou hanter bost divyezhek, unan e skol prevez Rostrenn egile e skol prevez Mael-Karaez. Netra nevez eus tu an digeriñ postoù er Morbihan hag e Penn-ar-Bed. N’heller ket degemer an doareoù mantrus-se.

UDB Kreiz Breizh a c’halv hec’h izili hag he mignoned hag an holl re n’int ket evit degemer politikerezh a-vremañ ar gouarnamant e-keñver ar brezhoneg da gemer perzh er vanifestadeg a vo e Roazhon d’an 3 a viz Mezheven 2006. Ar vanifestadeg-se vo aozet gant Kuzul Sevenadurel Breizh evit goulenn ma vo treuskaset galloudoù hag arc’hant da Guzul Rannvro Breizh, evit ober war-dro kelennadurezh ar brezhoneg ha sevenadur hor Bro. Evit UDB, peogwir e laosk ar Stad an traoù da vont da fall eo d’ar Vretoned ha da zilennidi Kuzul Rannvro Breizh da zivizout eus dazont ar brezhoneg.

Evit UDB Kreiz Breizh : Herve ar Gall

• Emmanuel Grégoire et l’abbé Macron  par David Grosclaude le 23/11/2024
• Pays de Redon. La Bogue d’or, rendez-vous du « génie populaire » par Le blog de paul Molac le 05/11/2024
• Catherine Vautrin en Corse : Régions et Peuples Solidaires appelle l’Etat à enfin aboutir sur l'autonomie par RPS le 25/10/2024
• Gouvernement Barnier : des nominations inquiétantes par RPS le 24/09/2024
• Quelle future gouvernance en France ? par Marcel Berrou le 08/07/2024
• Après deux cycles de trois ans du Parlement de Bretagne réveillé, voici venir le troisième cycle ! par KAD le 01/07/2024
• Résolution pour la Réunification de la Bretagne à la XIXème Assemblée Générale de l'UNPO à Munich, les 11 et 12 mai 2024 : par KAD le 07/05/2024
• TER Nouvelle Aquitaine : quelle honte !   par David Grosclaude le 18/04/2024
• Les Braises de la Rencontre, le 5 mai 2024, sur le parc de sculptures mémorial de MAB Koad Sav Pell ! par MAB, Musée Archipel Breton le 16/04/2024
• Koun Breizh s’indigne : Non ! les festoù-noz ne sont pas des lieux réservés aux « attardés » ! par Koun Breizh - Bertaign Tenant - Mémoire-de-Bretagne le 07/01/2024