ABP

- Communiqué de presse -

Troiad 2016-2017 gant ar strollad Kouleoñs : istor Anna Vreizh

Fent a vez kavet atav gant krouidigezhioù liseidi Diwan Karaez, met ur seurt preder ivez, awenet gant mojennoù Breizh. Un dudenn pennañ : Anna Vreizh. Ret eo dezhi ober he soñj : dimeziñ gant roue bro C'hall, pe laoskel he vro emren ?

Par Fanny Chauffin pour Kerne Multimédia le 10/12/16 13:16

Fent a vez kavet atav gant krouidigezhioù liseidi Diwan Karaez, met ur seurt preder ivez, awenet gant mojennoù Breizh.

Un dudenn pennañ : Anna Vreizh. Ret eo dezhi ober he soñj : dimeziñ gant roue bro C'hall, pe laoskel he vro emren ? Setu neuze un hunvre graet ganti, e lec'h e vez gwelet roue bro C'hall, ar roue Arzhur, ar roue Marc'h, Asterix hag Obelix, Marzhin ar strobineller, Viviana ha Morgana, hag Excalibur, eveljust.

Un istor krouet gant al liseidi, sikouret gant Paskal Cariou, evit an dekvet gwech. Ul leurenniañ atav ken efedus, pa glever c'hoarzhadegoù ar vugale a-hed ar pezh.

Dipitus un tamm eo ar fin, zoken ma z'eo ar fin gwir : Anna a zo bet dimezet da 13 vloaz gant ur roue kozh ha vil...

Marteze un devezh bennak, evit ar blijadur, e c'hello al liseidi kinnig un dra a vefe un tammig dic'hortozoc'h : perak ne vefe ket gouest Anna da cheñch an istor ?

Gourc'hemennoù atav d'ar skipailh tud yaouank, emren ha gouest da c'hoari peder gwech da heul hep faziañ, etre Kastellin, Kommana, Sizun ha Kastelnevez.

E fin miz Genver e vint e Traon Kerne evit un droiad e skolioù e lec'h e oant pa oant bihan : Kemperle, Banaleg, Kemper, Douarnenez evit eizh anezho.

Laouen e vo moarvat an holl dud, ar re vras hag ar re vihan a zegemero anezho.

Voir aussi :

Pluenn varzhoniel Loig Kampion par Kerne Multimedia le 19/06/2023
21vet Priz ar Yaouankiz : Paol ar Meur ha Mai Ewen trec'h par Kerne Multimedia le 16/06/2023
Kroget eo Taol Kurun, ha kroget mat par Kerne Multimedia le 17/01/2023
Kan ar bobl ar gonterien : d'ar merc'her 25 a viz Genver da 3e e Kemperle par Kerne Multimedia le 03/01/2023
Tud a youl-vat : hepdoc'h, festival ebet neblec'h par Kerne Multimedia le 01/09/2022
An dorgenn, ul lec'h nevez er festival par Kerne Multimedia le 20/08/2022
Marijo Mellouët aet d'an Anaon : bro Kemperle e kañv par Kerne Multimedia le 22/07/2022
Erruet ar Redadeg e Gwened gant 5000 a dud par Kerne Multimedia le 29/05/2022

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all Kerne Multimédia]

Vos 0 commentaires

Commenter :

Put your name here

ABP

Agir

Nous suivre