27vet pennad war istor Diwan, hag an nerzh oa bet degaset gant ar skolioù e-barzh mogerioù ar skol met ivez en diavaez, gant tud bet e Diwan o lakaat o youl da vroudañ ha da vrudañ sportoù ha mennozhioù...

« Kumuniezh oberiant » a vez graet eus strolladoù tud a gomz brezhoneg ‘maez ar skol. Pa oa bet krouet Diwan e oa bet prenet ur greizenn vakañsoù buan-tre war-lerc’h, An Oaled e Treglonou evit gallout stummañ ar skolaerien, degemer stajoù brezhoneg ha kreizennoù vakañsoù. Ha tamm-ha- tamm, un tammig e pep lec’h e Breizh, e vez bugale o vakañsiñ e brezhoneg, war o zro buhezourien gant stummadurioù Stad e brezhoneg penn da benn.

Buhezourien, renerien, ha bugale

700 bugel a ya da vakañsiñ bep bloaz e brezhoneg. E Treglonou, er Chapel Nevez, er Pouldu, e Redon... Gant buhezourien o tont evit lod anezho eus Diwan, prest da gemer bugale e-karg e-pad ur sizhunvezh, evit surfiñ, kaiakiñ, ober c’hoariva, dañsoù, labour-dorn... Ret e oa aozañ pep tra : ar c’heriaoueg, an danvez stummañ. Dre chañs e oa aet plaen an traoù gant an UBAPAR ha renerezh Yaouankiz ha Sportoù a-drugarez d’an dilennidi mennet ha d’ar rener Pierre Garrec.

Sportoù : gouren, melldroad, redek... ha kevredigezhioù stourm

Gouren e brezhoneg a seblant bezañ orin, met n’eo ket ken aes se. E lec’hioù zo e vez graet, evel e Karaez pe er Faoued.

Evit pezh eo ar velldroad ez eus bet savet e bro Leon strolladoù a gomz brezhoneg hepken.

Gant Ai’ta pe Gast e vez ur bern tud yaouank o tont eus Diwan : plijadur a vez o prientiñ abadennoù, gouelioù, prantadoù preder e brezhoneg. Degemeret e vez gallegerien ganto , met ar yezh labour a chom ar brezhoneg.

"Perak aozañ kreizennoù vakañsoù e brezhoneg ? Evit ledanaat tachenn ar brezhoneg : ar skol, ar familh, hag an aozadurioù dudi eo teir zachenn buhez sokial ar vugale. War an teir zachenn-se e rank ar brezhoneg c'hoari."

"Evit sachañ ar yezh er-maez eus ar skol ha diskouez d'ar vugale na gomzont ket brezhoneg er gêr eo ar yezh-se ouzhpenn  yezh ar skol. (...) Evit kaout plijadur e brezhoneg. Ne vo ket adperc'hennet ar yezh ma n'eo ket stag ouzh ar blijadur ! (...) Evit kinnig d'ar re yaouank a fell dezho ober gant ar brezhoneg un dachenn labour, darempredoù ha plijadur e lec'hioù ma c'hellont amprouiñ o yezh."

• Dépêche ABP : Diwan appelle à une grande mobilisation pour la langue bretonne le 17 mai à Rennes par Philippe Argouarch et chatGPT le 15/04/2025
• Et si les milliardaires bretons soutenaient Diwan ? par La rédaction le 01/04/2025
• Peseurt dazont evit Diwan ? par BREZHOWEB le 24/03/2025
• Réaction du réseau Diwan à la mobilisation des lycéens du lycée Diwan de Carhaix par chatGPT le 12/03/2025
• Crise financière et remise en question du modèle Diwan : entre aide exceptionnelle et critiques de gestion par ChatGPT le 14/10/2024
• Écoles Diwan : Une vingtaine d'élus signent une lettre au Président de la république par La rédaction le 10/09/2024
• 33èmes Puces Diwan Lannion par le 06/05/2024
• KOUN BREIZH soutient l’appel à manifester lancé par DIWAN à SAINT-BRIEUC le samedi 3 février 2024 par Koun Breizh - Bertaign Tenant - Mémoire-de-Bretagne le 22/01/2024
• Pluenn varzhoniel Loig Kampion par Kerne Multimedia le 19/06/2023
• 21vet Priz ar Yaouankiz : Paol ar Meur ha Mai Ewen trec'h par Kerne Multimedia le 16/06/2023