Ul lec'h emgav eo deuet da vezañ saloñs Baleadenn evit an holl re a blij dezho, eskemm, anavezout lec'hioù nevez hag an natur. E-pad an daou zevezh e teuio un daou-ugent bennak a ziskouezerien evit kinnig doareoù bale disheñvel, sevenadurel, souezhus, sportel, pe istorel... P ' e vefec'h ur baleer, na gerzh nemet un eur bennak gwech an amzer pe “un debrer” hentoù daonet, war droad, war gaiak, war gein un azen, hoc'h unan pe gant ho familh, pep hini a gavo e lod, ha plijadur ho po. Sur eo ha n'eo ket marteze.

Enoret bras omp da zegemer Yvon Étienne evel paeron an 3de saloñs-mañ. Bep bloaz e vez roet ton d'ur vro bennak. Bro ar Roue Morvan eo a zo bet pedet ganeomp e 2013.

Evel kustum bremañ, e vo posupl, e-kerzh ar saloñs d'an dud mont da vale diouzh o faltazi, selaou prezegennoù pe kemer perzh e buhezadurioù a vo kinniget a-hed an daou zevezh.

Ar bloaz-mañ, a-drugarez d'ur c'henlabour etre an titourdi ha KKBA (Communauté de Communes du Pays des Abers) e vo kinniget meur a droc'had-hent nevez anavezet er SDHPB (Steuenn Departamant an Hentoù Pourmen ha Bale). An troc'hadoù bale-se 'zo etre 3 ha 25 km a-hed dezho, 'zo renablet holl war ur gartenn ha deskrivet spisoc'h war fichennoù. Sed un digarez nevez d'ober anaoudegezh gwelloc'h gant Bro An Aberioù ken bord an aodoù, ken en douaroù.

Evel ar bloavezhioù paseet, ez eus lorc'h er saloñs deus e idantelezh, a laka war-wel pinvidigezh hor glad naturel, sevenadurel , hag a ro ton d'ar brezhoneg.

Aozet e vez Baleadenn asambles gant Kenskor Departamant Kevredad Gall Baleerien Penn ar Bed, Baleerien ar Vourc'h-Wenn ha Ti-kêr ar Vourc'h-Wenn.

Saloñs mat deoc'h a-berzh Skipailh Baleadenn

Da c'houzout hiroc'h : www.baleadenn.org

• An Uhelgoad : baleadenn henchet ha sonet etre an Arboretum ha feurm Kerohou par le 15/07/2021
• Beaj e-bourzh al lougr Kaourintin + Baleadenn natur ha glad war Enez Sant-Nikolaz (Glenan) par Ti ar Vro Kemper le 11/03/2019
• Baleadenn er Fouilhez d'ar Sul 14 Mae par Blaz produktion le 08/05/2017
• Staj kan gant Jorj Belz ha baleadenn kanet get Catherine Pasco par Fanny Chauffin le 28/06/2016
• Ur baleadenn e brezhoneg er Groazig d'ar Sul 6 a viz Ebrel par Kentelioù an Noz le 26/03/2014
• Ur baleadenn e brezhoneg e Gwaled disadorn 15 a viz C'hwevrer par Kentelioù an Noz le 10/02/2014
• Succès populaire pour Baleadenn, premierr salon de la randonnée par Baleadenn le 14/03/2011
• Maen war vaen, ger goude ger evit sevel un iliz veur - Baleadenn c'hoariet gant ar strollad Tro-Didro par C'Hoariva le 31/05/2010
• Locmariaquer/Lokmaria-Kaer : baleadenn e brezhoneg/Promenade en breton par Sten Kidna An-Alre le 30/05/2009
• Landevant (56) : baleadenn/promenade e brezhoneg par Sten Kidna an-Alre le 02/12/2007