Boulc'het daou vloaz 'zo gant Ti Douar Alre, setu bremañ War Raok, Brezhoneg e Kreiz Breizh, oc'h aozañ ar stummadur evit ar gonterien e brezhoneg

Gwelet e oant bet e GBB (dek e miz Gouere 2023), er FIL, e filajoù bro Dreger, bro Leon, e Kan ar bobl Pondi, Kemperle, Lokoal, e Landelo, er skolioù...

Tri anezho a zo a vicher : Erwan Hemeury, Awenn Plougoulm ha Lukaz Nedeleg. Ar re all a gont ivez, met nebeutoc'h, ha niverus int ar re o dije c'hoant mont pelloc'h, gouzout kontañ marvailhoù evit ar familhoù, ar vugale, ar grennarded... Un 60 bennak anezho a zo dija, deuet d'ar stajoù Keav, da Bleuigner...

Neuze, mirit ho sadorn 21/10, deuit gant un istorig, hag ar stummerien Awenn Plougoulm, Alan Tudoret, William Landin, Daniel Carre... a zisplego deoc'h traoù a servijo deoc'h evit mont pelloc'h er bed-mañ. Brezhonekaat kontadennoù a bell vro, kontañ d'an dam-nannvrezhonegerien, derc'hel soñj eus ur gontadenn, troiennoù evit boulc'hañ ha klozañ, penaos degas fent en istor.

Gant William e vo gwelet penaos sevel ur c'helc'h konterien o kemer harp war danvez sevenadurel ar vro e 2023.

Lec’h : Ti ar Vro,  6, Plasenn Gwiriou Mab-den. 29270 KARAEZ

Eurioù : 9e30 -12e hag 1e - 4e30. Abadennig kontiñ : 5e - 6e

Aozadur, lakaat e anv : Raok, Brezhoneg e-kreiz Breizh. - 06 13 71 88 88 pe raok.bzg [at] gmail.com

Priz : 20 € an devezh a-bezh.

Enskrivadurioù : evit ar 18/10 d’an tardetañ.

Degasit ho pik nik, debret asambles e ti ar vro Karaez.

• Met gant piv 'oa bet lakaet ar maen war al leur ? par Kerne Multimedia le 24/09/2023
• Monterfil : ur staj dispar evit konterien, sonerien, danserien ! par Kerne Multimedia le 28/07/2023
• Konterien e brezhoneg : kan ar bobl gant 7 konter, plijadur ha liesseurted par Kerne Multimedia le 22/04/2023
• Pondi : prest eo rummadoù Kan ar Bobl lec'hel da zegemer an arzourien ! par Kerne Multimedia le 08/01/2023
• Kan ar bobl ar gonterien : d'ar merc'her 25 a viz Genver da 3e e Kemperle par Kerne Multimedia le 03/01/2023
• Rouedad konterien e brezhoneg : d'ar 04122022 e Landelo par Kerne Multimedia le 20/11/2022
• Masterklas konterien : d'ar sadorn 22 a viz Here e Pleuigner par Kerne Multimedia le 01/10/2022
• Konterien ba Sant Turn : brav an eostad ! par Kerne Multimédia le 30/01/2022
• Staj konterien ba Pleuigner gant tri c'honter : evit ma vefe rannet marvailhoù gant an holl par Kerne Multimédia le 08/09/2021
• Youn Brenn : un doare da selaou brezhoneg ar vro ha da c'hoarzhin par Kerne Multimédia le 24/07/2021