Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
- Musique -
Tost ha pell, Annie ha Lors asambles evit ur bladenn nevez

Kanerien deus ar re wellañ tout o kanañ disputoù

Fanny Chauffin pour ABP le 11/04/12 19:49
Kan a boz kourtez Lor Jouin
25482_1.png

Disput an heol a-enep an dour, an Tregeriad a-enep ar C'herneveurad, mouezh don ha kreñv paotr Lors Jouin, ha mouezh ken brav Annie Ebrel. Abaoe pell e oant o kanañ pep hini deus e du, gant ar c'hoant ober ur wech bennak un dra bennag asambles. Graet eo.

Dimeurzh paseet e oant gant 40 lisead Karaez. Kanet o deus Annie ha Lors tammoù eus an abadenn nevez a vo e miz Kerzu war leurenn Glenmor. Ha merc'hed bro Pondi da ganañ un andro war o lerc'h.

Kontet o deus dezho penaos e oant deuet da vezañ kanerien a-vicher, penaos Annie he doa cheñchet yezh gant he zud a gomze brezhoneg gant ar re gozh, ha ket ganti.

Da 13 vloaz e oa aet mamm-gozh Annie da gaozeal en tele en he lerc'h pa oa bet gonezet ganti da 13 vloaz priz kentañ kan ar bobl ! Ha dezhi da gomañs da zeskiñ diouzhtu !

Gant Lors ' oa bet desket ar brezhoneg gant peisanted ar c'hreizh Breizh, dont a rae da Garaez da heuliañ kentelioù noz, hag e-pad an deiz e oa e skol labourerien douar ba Pondi. Ha war ur c'haier e skrive ar ger brezhoneg implijet er skol, hag ar ger brezhoneg lavaret gant tud ar vro, gant ur pezh mell diforc'h. Mod-se eo deuet a benn da gaozeal brezhoneg gant liv ar vro, ha kad da skrivañ memestra. Hag ur wech an amzer e sikour mignoned Landelo da skrivañ ur yezh komzet ganto aboe int ganet.

Setu, m'ho peus c'hoant selaou diouzhtu, deuet eo er maez ur bladenn dreist da selaou , moulet gant Coop Breizh. Abadennoù a vo un tammig pep lec'h er vro gant an daou gomper.

Voir aussi :
mailbox
Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....
Gwelout pennadoù all gant Fanny Chauffin
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font 3 multiplié par 5 ?