Un enklask a zo bet lañset gant ar gumuniezh tolpad-kêrioù o tonet evit dibab ul logo nevez. Tolpad kêrioù Gwened, kumuniezh kumunioù al Loc’h hag hini Rewiz a vo bodet er gumuniezh a vo graet “Golfe du Morbihan – Vannes agglomération” anezhi.
N’eus ger brezhoneg ebet en tri logo kinniget. Betek gouzout e teu ar ger “Morbihan” eus ar brezhoneg koulskoude!
Evidomp eo sklaer e tilez tolpad Gwened ar garta “Ya d’ar brezhoneg” bet sinet ganti e miz Gwengolo 2010. N’eo ket bet tizhet ar palioù a oa bet prometet zoken.
E miz Gouere e oa bet skrivet ul lizher d’ar bodad e-karg eus ar gendeuzidigezh evit sachañ e evezh war plas ar brezhoneg en tolpad nevez. Gant holl kevredigezhioù ar c’horn-bro a labour evit sevenadur Breizh e oa bet sinet al lizher-se (Emglev bro-Gwened, Petra neue, …). N’eus bet respont erbet ha nac’het eo bet gant an dilennidi ober tra pe dra evit ar brezhoneg.
Da heul kendeuzidigezh kumunioù Teiz ha Noaloù e vez kaset ar brezhoneg da fall ur wech ouzhpenn e korn-bro Gwened. Ar wech kentañ eo e Breizh e vefe nac’het souten ar brezhoneg gant un tolpad kêrioù ken bras hag hini Gwened!
Daoust hag eo ur souezhadenn pa ouzer eo maer Teiz-Noaloù kentañ Bez-prezidant Tolpad Gwened ha pa ouzer eo a-enep ar brezhoneg ar prezidant. Meur a wech n’eo ket bet doujet ouzh ar garta “Ya d’ar brezhoneg” gantañ ha morse n’eo bet tizhet al live kentañ zoken abaoe 6 bloaz. Ret eo gouzout n’eo ket gantañ met gant ar prezidant kozh, an Ao. Goulard e oa bet sinet ar garta.
Gervel a reomp neuze holl annezidi an tolpad o tont “Golfe du Morbihan Vannes agglomération” da reiñ da c’houzout d’o dilennidi pegen fuloret int. Ouzh an demokratelezh e vez graet goap pa nac’her ober gant yezh ar vro ha gant ul lodenn eus identelezh an tiriad.
. Source :ai'ta- Mona Braz en conférence au Ti ar vro Bro Gwened le 22 mars par Maëlig Tredan le 13/03/2024
- 50 vle o kanal : bourrus e oa deiz-ha-bloaz an Trouzerion ! par Kerne Multimedia le 16/10/2023
- Livr'à Vannes / Levr'e Gwened - C'est ce week-end, du 10 au 12 juin, sous le soleil exactement ! par Eric Léost le 10/06/2022
- Erruet ar Redadeg e Gwened gant 5000 a dud par Kerne Multimedia le 29/05/2022
- Kendiviz "Lazhkenelioù, un tabou e Frañs" d'an 19 a viz Meurzh e Gwened par Kevre Breizh le 08/03/2022
- 2000 a dud ba Gwened evit ar 27vet manifestadeg evit ar frankiz ha gwirioù mabden par Kerne Multimédia le 08/01/2022
- Petra 'zo nevez e brezhoneg evit an distro-skol 2021 ? par BREZHOWEB le 21/09/2021
- Mizvezh ar brezhoneg e Gwened par Ti ar Vro Bro Gwened le 09/03/2021
- Bernard Rio en dédicace dimanche 13/12 à la Librairie Lenn ha Dilenn (Vannes / Gwened) par Librairie Lenn ha Dilenn le 12/12/2020
- Livr’à Vannes / Levr e Gwened / Le livre en berne par Eric Léost le 18/09/2020