Evit an trede gwech e kinnig deoc'h Ai'ta ! ur staj "disentiñ" hag a vo dalc'het e Montroulez d'ar sadorn 27 ha d'ar sul 28 a viz Here. (Adalek a gwener noz e vo degemeret an dud). Plas 'zo c'hoazh, hastit buan !
Petra eo ?
Hep stourmerien, stourm ebet... pa vefe evit ar brezhoneg pe evit ar stourmoù all ! Met evit mont war-raok e ranker bezañ efedus. Abalamour da se eo pouezus derc'hel d'en em stummañ. Un digarez eo ar staj-se ivez da vevañ ur pennad asambles ha da zegemer gwelloc'h er skipailh ar re nevez erruet...
Er bloaz-mañ e teuio Xavier Renou (bet e Greenpeace) adarre gant ur program kempouez : an hanter deus ar stummadur evit an teoriezh (ar mod da sevel strategiezh ur stourm, gant skwerioù a denn da Ai'ta evel Ar Post ha panellerezh an hentoù-tizh... gant ar soñj da geñveriañ ha da aliañ ac'hanomp evit mont war-raok ha bezañ trec'h buan; ar mod da eskemm efedus e-pad an emvodoù hag an oberennoù); an hanter all evit pleustriñ (stalioù-labour da choaz diouzh an dud; sevel ha c'hoari un oberenn vras...)
Evit piv eo ?
Evit izili Ai'ta hag an holl dud hag en em sant tost ouzhimp, ouzh ar brezhoneg... Ne vern piv a c'hall kemer perzh, kozh ha yaouank, brezhonegerien pe pas. E galleg e vo ar stummadur evit bloaz.
Pelec'h ?
E Montroulez an hini e vo. Roet e vo ar chomlec'h resis d'an dud enskrivet e-kerzh ar sizhun a-raok ar staj.
Pegement ?
20 euro evit ar studierien hag an dud dilabour, ha 40 euro evit ar re all. Gant se e vo paeet ar stummer hag ar boued evit an dibenn-sizhun. Evit aesaat an traoù e c'houlennomp da bep hini fardañ un dra bennaket da rannañ d'ar gwener noz memestra. Pep hini a gaso an evaj a fell dezhañ. Bep a sac'h-kousket a ranko kaout an dud a fell dezhe chom war al lec'h diouzh an noz.
Penaos lakaat e anv ?
N'eus nemet kas ur postel dimp da : ai.ta.treger [at] gmail.com
Paeet e vo ar staj war al lec'h. Goulennit ivez ma fell deoc'h kenweturiñ.
Skipailh Ai'ta !
- Kenderc'hel a ra ar voustrerezh: Dougen klemm a ra ar Stad C'hall a-enep Ai'ta! par Ai\'ta ! Bro Dreger le 13/10/2017
- Prosez un emsaver Ai'ta ! e Gwened par Alliance Fédéraliste Bretonne - Emglev Kevredel Breizh le 23/02/2016
- Procès d'un militant Ai'ta ! à Vannes par Alliance Fédéraliste Bretonne - Emglev Kevredel Breizh le 23/02/2016
- NEDELEG 2015 E BREZHONEG par Comité Bretagne-Galice le 07/12/2015
- SNCF : BREZHONEG = YEZH ESTREN : oberenn Ai'ta ! e ti-gar Plouared-Treger. par Ai\'ta ! Bro Dreger le 01/12/2015
- Galv evit harpañ Ai'ta e Gwened par Alliance Fédéraliste Bretonne - Emglev Kevredel Breizh le 13/10/2015
- Appel à la manifestation de soutien pour Ai'Ta le 14-10 à Vannes à 14h30 par Alliance Fédéraliste Bretonne - Emglev Kevredel Breizh le 13/10/2015
- Kemennadenn Maer Gwened diàr an eil lise Diwan : skrivet en deus ar strollad Ai'ta ! d'ar c'huzul ti-kêr Gwened par Ai\'ta ! Bro Dreger le 26/09/2015
- Gouel etrekeltiek An Oriant 2015 : oberenn Ai'ta ! stand Skol-veur Kreistez Breizh par Ai\'ta ! Bro Dreger le 11/08/2015
- Emvod Ai'ta! dimeurzh e Lannuon - Réunion d'Ai'ta! mardi à Lannion par Ai'ta ! Kreiz Breizh le 08/06/2015