62vet Skol Hañv aozet gant KEAV

E-pad an hañv e kinnigo KEAV div sizhunvezh staj, eus ar 5 betek an 11 a viz Gouere, hag eus ar 12 betek an 18 a viz Gouere e Lise ar Stêr Aon, (Lise al Labour-Douar ha Liorzhouriezh), e Kastellin. Distag eo an div sizhun an eil diouzh eben ; bez e c'hell ar stajidi dibab dont da unan anezho nemetken pe d'an div. A-hed ar sizhun e vez ar vuhez e brezhoneg penn da benn. Ouzhpenn ar c'hentelioù e c'hell ar berzhidi heuliañ obererezhioù a bep seurt : kaozeadennoù, kan, darempredoù gant tud eus ar vro, pourmenadennoù, c'hoariva, beilhadegoù... Un doare da vont war-raok buan-tre ha d'en em voazañ d'ober gant ar brezhoneg a-hed an amzer. E-kerzh an div sizhunvezh e c'hello ar stajdidi heuliañ kentelioù ha kaozeal diouzh o live, pe, er sizhunvezh kentañ, dibab labourat war an distagadur ha fonogiezh ar brezhoneg, pe mont pelloc'h war studi ar yezh dre ur rummad kentelioù war ar c'hoariva kinniget gant ar strollad “C'hoariva” hag en eil sizhunvezh, heuliañ ur rummad kentelioù war implij ar video, pe ur stummadur “levrioù evit ar vugale” kinniget gant ar gevredigezh Hipolenn. Kaset e vo ar programmoù d'an dud dedennet. Evit en em enskrivañ eo ret gouzout un tamm brezhoneg eta, bezañ studiet ar yezh e-pad bloaz pe zaou da vihanañ Un niverenn stummadur dibaouez 'zo gant KEAV.

Evit gouzout hiroc'h, skrivañ da : KEAV, 22 hent Mouliouen, 29000 Kemper. Pgz : 02 98 95 59 31 pe : keav [at] wanadoo.fr

• Staj brezhoneg e Pornizh d'ar 27 ha 28 a viz C'hwevrer : devezhioù diwezhañ evit lakaat hoc'h anv ! par Kentelioù an Noz le 16/02/2016
• Ur staj brezhoneg un devezh e Sant-Ervlan d'ar 15 a viz Du par Kentelioù an Noz le 24/10/2014
• Ur staj brezhoneg 2 zevezh d'an 22 ha 23 a viz C'hwevrer e Pornizh par Kentelioù an Noz le 22/01/2014
• Biskoazh kemend-all... ur staj brezhoneg evit ar grennarded par Katell Chantreau le 04/05/2012
• Aozañ a ra Ar Falz he staj brezhoneg bloazieg e Bihui-an-Dour par Ar Falz le 06/05/2011
• ''Ha ma krogfen da gomz brezhoneg gant ma bugel ?'' Kinnig a ra KLT ur staj brezhoneg e Landivizio par KLT Fédération des associations bretonnes Pays de Morlaix le 16/11/2009
• Stumdi. Staj brezhoneg dre soubidigezh war enez Eusa par Stumdi le 20/02/2009
• Kinnig a ra Ar Falz ur staj brezhoneg er skolaj Diwan Plijidy epad ar viz Eost (d'ar 17 betek an 21) par Skol Vreizh le 19/02/2009
• Kentelioù an Noz : staj brezhoneg e Liger-Atlantel par Kentelioù an Noz le 17/11/2008
• Ur sizhunvezh staj brezhoneg e Naoned par Kentelioù an Noz le 05/09/2007