ABP

- Agenda -

Staj brezhoneg dre soubidigezh : 2 zevezh e Pornizh d'ar 14 ha 15 a viz Meurzh gant Kentelioù an Noz

Fellout a ra deoc'h mont war-raok gant ar brezhoneg, tremen un dibenn-sizhun war an aod, bevañ un dibenn-sizhun dre soubidigezh, kejañ gant brezhonegerien a bep seurt ? Evidoc'h eo an

Par Julia THEPAUT pour Kentelioù an Noz le 27/02/15 12:23

Fellout a ra deoc'h mont war-raok gant ar brezhoneg, tremen un dibenn-sizhun war an aod, bevañ un dibenn-sizhun dre soubidigezh, kejañ gant brezhonegerien a bep seurt ? Evidoc'h eo an dibenn-sizhun-mañ ! Hag evit ho pugale ivez !

D'ar Sadorn 14 ha d'ar Sul 15 a viz Meurzh e vo aozet staj 2 zevezh Kentelioù an Noz e Pornizh. En ul lerc'h dispar, tal ar mor, ho po tro da dremen un dibenn-sizhun leun a souezhenn !

Setu ar staj evit deskiñ muioc'h, heuliañ kentelioù (3 c'hentel bemdez savet gant ur programm pedagogel evit pep live brezhoneg), kemer perzh en oberoù, met ivez gweladenniñ Pornizh, hag, evel just, bevañ e brezhoneg !

D'ar Sadorn noz e vo kinniget abadennoù war al lec'h. Kas a reomp d'ho soñj e vo ivez d'an devezh-se e kêr Bornizh fest-noz Sant-Patrig aozet gant kelc'h keltiek Pornizh (6¤ evit izili Kentelioù an Noz).

Digor d'an holl eo ar staj : deraouidi, deskidi ha brezhonegerien ampart. Eus pep korn eus Breizh hag eus pelloc'h e teu an dud. Tu zo aozañ kenweturaj.

Un nebeud titouroù ouzhpenn : degemer adalek 10e d'ar Sadorn 14 a viz Meurzh, fin ar staj d'ar Sul e fin an abardevezh ; bod (kambroù eus 3 da 6 den) ha boued war al lec'h (larit deomp en a-raok m'ho peus reolioù-boued) ; gallout a rit lakaat hoc'h anv evit un devezh ; degemer ha obererezhioù evit ar vugale.

Prizioù evit an dud deuet :

An dibenn-sizhunvezh (an holl bredoù hag an nozvezh war al lerc'h) : 90¤ priz leun, 70¤ priz bihanaet

Un devezh (gant ar pred) : 40¤ priz leun, 35¤ priz bihanaet

Ret eo emezelañ d'ar gevredigezh (15¤).

Prizioù evit ar vugale :

An dibenn-sizhunvezh (an holl bredoù hag an nozvezh war al lerc'h) : 40¤.

Un devezh (gant ar pred) : 10¤.

Kit e darempred ganeomp evit lakaat hoc'h anv, pe sellit ouzh breton-nantes.org.

Kenavo !

Voir aussi :

Skyjo, ar c'hoari-taol gwerzhet ar muiañ e brezhoneg ! par BREZHOWEB le 18/11/2024
Istor ar brezhoneg gant Ronan Kalvez par BREZHOWEB le 24/10/2024
Petra nevez e brezhoneg e miz Here ? par BREZHOWEB le 01/10/2024
Enklask war ar c’hleweled e brezhoneg gant André Lavanant par Philippe Argouarch le 16/08/2024
Desketa, ur benveg nevez evit deskiñ brezhoneg ! par BREZHOWEB le 04/07/2024
Petra nevez e brezhoneg evit an hañv ? par BREZHOWEB le 03/07/2024
An drouizelezh, ur relijion ? par BREZHOWEB le 23/05/2024
Pezh-c’hoari e brezhoneg : Traez Gwaremm par Marie-Noelle Rinquin le 02/05/2024

Ur gevredigezh stummañ an dud deuet d\\\'ar brezhoneg eo Kentelioù an Noz. El Liger-Atlantel e kas e obererezhioù.

[ Gwelout pennadoù all Kentelioù an Noz]

Vos 0 commentaires

Commenter :

Put your name here

ABP

Agir

Nous suivre