Souibidigezh an abretañ posubl : Dalgalian hag ar vrezhonegerien yaouank

- Dépêche -

Ur chañs hon eus e Breizh : e Guenin, kichen Pondi emañ o chom ur c'hlasker, ur stourmer evit un deskadurezh divyezhek, Gilbert Dalgalian e anv. Un den interessant kenañ.

Fanny Chauffin pour ABP le 9/06/11 23:16

Ar familh, ar skol hag an en dro, setu ar pezh e faot kaout evit gallout reiñ un dazont dar brezhoneg. Ma ne gomz ket brezhoneg ar bugel er familh, ma ne vez ket un en dro e brezhoneg, ma n'eus brezhoneg ebet er skol, penaos e c'hello evit lakaat ar brezhoneg da vevañ ?

Deuet e oa Gilbert Dalgalian, pedet gant Div Yezh ha Kumuniezh Kumunioù bro Kemperle e Kerien (mankout a ra ur bugel evit gallout digeriñ ur c'hlasad e miz Gwengolo) evit displegañ pinvidigezhioù un deskadurezh divyezhek.Komz a ra meur a yezh, an turkeg eo e yezh vamm dezhañ. Penaos e c'hell ur bugel deskiñ hep gouzout dezhañ kement a sonioù, a frammoù disheñvel ?

Paotr Ofis ar brezhoneg a genveria anezhañ o da "alc'houez aour" Anjela Duval. Ar brezhoneg a c'helle digeriñ bed ar brezhoneg, evit kompren an en dro, alc'houez aour Dalgalian a zigor d'ar re all, d'ar yezhoù all, ha d'ar sevenadurioù all.

Dalgalian, ur paotr bihan, dirak 60 a dud. Simpl, sklaer, stourmer evit ar bedagogiezh hag evit an divyezhegezh.

Aes eo dezhañ displegañ gant tri zra pouezusan e sav poent :

1 - ar stummadur divyezhek ur bugel a stumm anezhan gwelloc'h ma vefe desket abred-tre. Stummadur an empenn, met stummadur ar c'horf ivez. A-raok 7 vloaz, ha gwelloc'h c'hoazh a-raok 5 bloaz.

2- an divyezhegehz abred, galleg-brezhoneg, ne vo ket graet evit laoskel ar galleg a-gostez, met evit pinvidikaat anezhañ. Ar yezh all a sikour ar yezh, hag en tu all eo gwir ivez. Ne vez ket desket div wech ar memestra : tout ar pezh a zo diazezoù ur yezh (eskemm, en em zigarez, ...).

3- Ur bugel divyezhek abred, a vo multiyezhek buan-tre, gant an diaezoù fonetek, yezhoniezh, ha sevenadurel. Ha doareoù deskiñ efedusoc'h.

Ur brezegenn interessant kenañ, da selaou gant tout an dud dedennet gant al labourioù nevez ar yezhourien (Jean Petit, Jean-Pierre Changeux).

Diaes e oa tabutal diwar plas an divyezhegezh e Breizh war lec'h ; ne ouie ket Dalgalian e oa 14 000 bugel skoliataet e brezhoneg e Breizh, da lavarout eo ... 2% hepken eus ar re skoliataet e Breizh.

Gant ma vo komzoù Dalgalian skignet e pep lec'h: reiñ d'ur bugel un deskadurezh divyezhek eo ur prof hag ur binvidigezh roet dezhañ !

Voir aussi :

Pedagogiezh Diwan : petra eo ? par Kerne Multimédia le 02/07/2017
Diwan, pedagogiezh ha nerzh krouiñ : un dezenn dimeurzh o tont par La Rédaction le 29/03/2015
L'aménagement du temps scolaire : l'occasion d'un projet éducatif territorial innovant ? par Taol Kurun le 21/10/2013
Rythmes scolaires en question : mais où est passé l'intérêt de l'enfant ? par Taol Kurun le 30/09/2013
Distro-skol ar gasourien gant Jakez ar Borgn par Fanny Chauffin le 29/08/2012
10 vet deiz ha bloaz an DABU : ur pezh mell gouel er Chapel Nevez par Fanny Chauffin le 19/08/2012
Emvod ar Gelted : ar brezhoneg evit ar re nul par Fanny Chauffin le 10/08/2012
Tabut e brezhoneg er festival : politikerezh yezh, armerzh, kentelioù noz,... par Fanny Chauffin le 06/08/2012
Evit mont war raok gant ar brezhoneg skrivet par Fanny Chauffin le 19/03/2012
50 den evit studiañ an araogennoù get KEAV par Fanny Chauffin le 25/02/2012

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

Gwelout pennadoù all gant Fanny Chauffin

Vos 0 commentaires :

Commenter :

Put your name here

ABP

Embann

Nous suivre