Leun chouk iliz Kroaz Santel, gant un heklev a lakae ar son da bourmen e pep lec'h mogerioù uhel iliz doare Jeruzalem : souezhet an dud gant live ar sonerien ha doare da ginnig oberenn ar barzh

Per Vari Kervareg a zo brudet e bed ar sonerien a live uhel. 'Giz en doa lavaret e fin an abadenn : "c'hoant em boa bout beleg evit lakaat an dud da sevel an iliz. Neuze, savit". Ha tout an dud en o sav da ganañ ar "Bro Gozh" e fin an abadenn.

Soner bombard, gant ur soner biniou ha sakso a feson, hag ur soner harmonium : un trio gant ur sapre labour graet asambles, tud yaouank barrek, an dra sur. Un aergelc'h ispisial, dek ton tennet eus ar Barzaz Breizh, ar re vrudetañ : bosenn Elliant, Markiz Pontkalleg, Silvestrig, ... Per Vari a gan ivez, met marteze e vefe gwelloc'h dezhañ chom o kinnig an testennoù hag o seniñ. Diouzh ar c'hiz e vez bremañ evit ur soner kanañ. Met tout an dud n'int ket Jean Baron pe Elouan le Sauce... Hag aze, marmouzañ Denez Prigent hep mouezh, hep dislipañ giz faot ar yezh... N'eo ket bet ken bourrus ha ma vefe bet ur c'haner boaz, evel Andrea ar Gouilh, Janlug er Mouel, ha kement zo tout.

Laouen-tre e oa an holl dud, loc'h enno da vout Breizhidi. Brav ar sonerezh, brav al lec'h, met bravoc'h a c'hellfe bout c'hoazh.

• Met piv oa Kervarker ? par Kerne Multimedia le 12/09/2022
• Barzaz Breizh : prezegenn Fañch Postig dimeurzh da 6 eur par Kerne Multimedia le 03/09/2022
• Enoret eo barzh Kemperle er vro : eilvet diskouezadeg e Kerne par Kerne Multimedia le 04/07/2022
• Kalevala ha Barzaz Breizh, Elias ha Theodore... par FC le 17/01/2016
• Colloque international sur l'auteur du Barzaz Breizh : conférences et concerts par FC le 17/10/2015
• War roudoù ar Barzhaz Breizh: Gousperoù ar Raned par Gorre ha Goueled le 26/01/2015
• Pardon Sant Fiakr pe Gwerz Loeiz ar Rawalleg par Gorre ha Goueled le 18/11/2014