Ar bloaz-mañ, hag evit ar seizhvet gwech, Ti ar Vro Kemper, Emglev Bro Douarnenez hag an Emglevioù Bro a aoz lodenn gentañ ar Skrivadeg e brezhoneg.

Al lodenn gentañ, evit Su Penn ar Bed, a vo aozet d'ar 6 a viz Meurzh 2010, da 2e goude-merenn, e Sal ar Gouelioù e Douarnenez, evel e vo graet un tamm pep lec'h e Breizh.

Digor d'an holl eo an darvoud dudius-se, a zo e bal bodañ tro-dro d'ar brezhoneg koulz tud yaouank ha tud koshoc'h, brezhonegerien ampart pe tud o teskiñ, skolidi, studierien, tud en oad.

Rannoù a vo, deus ar CE betek an oadourien live uhel.

Prizioù ha profoù a vo roet d'al loreidi a c'hello kemer perzh en eil tro a vo dalc'het e Brest, d'an 22 a viz Mae 2010. Ur mare kafe a vo kinniget a-raok ar prizioù.

Folenn enskrivañ da gas en dro, a-raok an 3 a viz Meurzh 2010, e :

Ti ar Vro Kemper. 3, Plasenn Familh Gabai.
29000 Kemper.
02-98-90-70-43 –
david.tiarvro [at] orange.fr