D'an 19 a viz Mezheven hon doa skrivet da Brezidant Skol-veur Kreistez Breizh evit goulenn ur panellerezh e brezhoneg e kevrenn ar gwir e kampus Tohanig e Gwened nevez savet ha ma vo kemeret e kont plas ar brezhoneg e monet en dro ar skol-veur.

Aotrou Prezidant,

El ma ouiet marse emañ Ai'ta ! ur strollad savet a-benn difenn ar brezhoneg. Ai'ta ! a zo e bal dezhañ stourm en un doare difeulz a-benn broudiñ ar brezhoneg er vuhez foran.

Klevet hon eus komz dre ar mediaoù e oa é paouez en em staliiñ kevrenn ar gwir e Gwened er savadur nevez met ne oa ket staliet c'hoazh ar panellerezh.Seblant deomp e vehe talvoudus lakaat àr-wel ar brezhoneg er raktres panellerezh da zonet en un doare kemparek.Emañ é kreskiñ ar c'helenn divyezhek hag ul lodenn ag ho studierion a zo brezhonegerion yaouank.

Oc'hpenn emañ feur a skolidi en hentennoù divyezhek e Kumuniezh tolpad kêrioù Gwened e-touez ar re uhelañ e Breizh.Diorret eo bet ivez ar panelloù divyezhek en dachenn foran ha kavet e vez bremañ panelloù hent divyezhek dirak kampus Tohanig.

Setu perak e vehe ur gwir talvoudegezh get ur danvez raktres panellerezh divyezhek e kreiz skol-veur Gwened.Strivoù a-bouez o deus kaset da benn ivez strollegezhioù tiriadel a-benn broudiñ ar brezhoneg er vuhez foran. Poellek e vehe seurt panellerezh divyezhek en un endro ma kaver muioc'h mui brezhoneg.

Sinet e oa bet un nebeut bleziadoù zo ar garta « Ya d'ar brezhoneg » kinniget get ofis publik ar brezhoneg get skol-veur Roazhon 2. Kaset he deus da benn un toullad mat a oberoù evit ar brezhoneg e monet-en-dro ar skol-veur. Kavet e vez ivez e Skol-veur Breizh-Izel (SBI) panelloù divyezhek a-barzh he savadurioù.Perak ne vehe ket moaien da brederiiñ àr seurt ur raktres panellerezh e Gwened a c'hellehe bout staliet e kevrenn ar gwir e kampus Tohanig hag àrc'hoazh en Oriant pe e Pondi.

C'hoant hon eus oc'hpenniñ emañ pal hor strollad ma vo kinniget evit pep den yaouank an tu da zeskiñ brezhoneg en un doare nann redius. Else e vehemp kontant gouiet an doareoù da heuliiñ kentelioù brezhoneg er Skol-veur Kreistez Breizh : danvez dibab, unvez kelenn diret, yezh bev..

Laouen tre e vefemp en em welet genoc'h a-benn eskemm diàr ar sujedoù-mañ.

Joa deoc'h

Ar strollad Ai'ta! Bro Gwened

• Prosez e lez-kastiz evit ur stourmer eus strollad Ai’ta ! d’an 23 a viz C'hwevrer e Gwened par Ai'ta ! Bro Gwened le 18/02/2016
• Klemm Skol-Veur Kreistez Breizh : Ur stourmer galvet e komiserdi Gwened d'ar Merc'her 14 a viz Here, galv d'ur bodad souten. par Ai'ta ! Bro Gwened le 12/10/2015
• Sevel a ra klemm Skol-Veur Kreistez Breizh a-enep stourmerien evit ar brezhoneg ! par Ai'ta ! Bro Gwened le 01/10/2015
• Gouel etrekeltiek An Oriant 2015 : oberenn Ai'ta ! stand Skol-veur Kreistez Breizh par Ai\'ta ! Bro Dreger le 11/08/2015
• Ai'ta! Oberenn divyezhekaat panellerezh Kampus Tohanig (SKB), Gwened par Ai'ta ! Bro Gwened le 22/11/2014
• Lid-digeriñ kampus Tohanig, Skol veur Kreistez Breizh e Gwened par Ai'ta ! Bro Gwened le 05/10/2013
• Ai'ta : skol-veur hañv / université d'été ! par Ai'ta ! Kreiz Breizh le 12/08/2013
• Prezegennoù Skol-Veur Pobl Vreizh e-pad Emvod ar Gelted 2013 par association Emglev Bro an Oriant le 27/07/2013
• Le SLB Skol-Veur Roazhon de nouveau dans la rue Jeudi 26 par SLB Skol-Veur le 25/03/2009
• Un tañva d'ar brezhoneg e Skol-veur Naoned bep Lun par SLB Skol-Veur Naoned le 17/03/2009