El levrdi l'Encre de Bretagne, e Roazhon, d'ar sadorn 18 a viz Du, da 17h30
Pierrette Kermoal a ginnigo he daou levr diwezhañ, embannet gant ABER : SKLEUR EN NOZ, dastumad danevelloù, ha LIORZH AL LENNEGEZH, arnodskridoù gouestlet da skrivagnerion vrezhon e-touez ar re bennañ, Abeozen, Youenn Drezen, Roparz Hemon, La Villemarqué, Meavenn, Jakez Riou.
An hiladur etre an oberennoù : lakaat anat an dodennoù pouezusañ. Petra eo lec'h ha roll al lenner el lennegezh ? Buhezañ pe handerc'hañ : hag aze emañ skod ar skritur ?
Sed aze ar c'hudennoù a c'hallo bezañ savet. E brezhoneg e vo renet an abadenn.