Sinadeg evit kaout brezhoneg en tier-gar

Derc'hel a ra ar strollad Ai 'ta ! gant e stourm a-benn divyezhekaat tier-gar Bro-Dreger ha Breizh. Betek-henn, n'houl ket renerien an SNCF komz ouzhimp. E-keit ha ma nac'hfont gwelet ac'hanomp e chomo ar brezhoneg er-maez eus an tier-gar, anat deoc'h. Neuze e kinnigomp d'an holl, brezhonegerien, Bretoned hag a gar

Derc'hel a ra ar strollad Ai 'ta ! gant e stourm a-benn divyezhekaat tier-gar Bro-Dreger ha Breizh. Betek-henn, n'houl ket renerien an SNCF komz ouzhimp. E-keit ha ma nac'hfont gwelet ac'hanomp e chomo ar brezhoneg er-maez eus an tier-gar, anat deoc'h. Neuze e kinnigomp d'an holl, brezhonegerien, Bretoned hag a gar o yezh, tud tomm d'al liested sevenadurel ha kement zo tout, da leuniañ ar sinadeg-mañ. Ouzhpenn 1000 sinadur zo bet dastumet dre skrid ganimp abaoe tri miz. Ezhomm zo miliadoù all. Evit pouezañ war an SNCF evel-just, met ivez evit pouezañ war ar C'huzul Rannvro a gejfomp gantañ prestig. Embannet o doa-int e fin ar bloaz 2004 e rankfe ar brezhoneg kaout e blas e holl liveoù ar vuhez sokial ! Pevar zra a c'houlennomp groñs gant ar sinadeg-mañ : skritelloù divyezhek, kemennadennoù dre-gomz divyezhek, paperoù gant eurioù an trenioù divyezhek ha bezañ degemeret en brezhoneg er giched. Evit an tri zra gentañ eo krog Ofis ar Brezhoneg d'ober al labour. Evit pezh a sell eus bezañ degemeret en brezhoneg er giched e oaromp dija zo brezhonegerien e pep ti-gar e Bro-Dreger (Plouared, Gwengamp, Lannuon). Neuze n'eo ket dibosubl ha ne goustfe ket kement a arc'hant ha se. N'eus ket 'met gwelet teiryezhegezh ti-gar Naoned (galleg - saozneg - alamaneg) ! Pouezus eo diskwel hon youl hag hon c'hoant da glevet ha da welet brezhoneg en tier-gar, e Bro-Dreger hag e peurrest Breizh. Rastelomp ar muiañ ar gwellañ a sinadurioù ha roomp da c'houzout zo ur bern tud a-du evit derc'hel ar brezhoneg en sav, hag evit reiñ ur plas d'an holl yehoù bihan er vuhez foran.

Deuit da sinañ en linenn : http://www.ai-ta.org/