Gant ur brasañ niver ledan kenañ (645 mouezh a-enep 26) eo bet degemeret danevell ar c'hannad europat François Alfonsi o c'houlenn ouzh ar gomision ur bolitikerezh difenn liested ar

Gant ur brasañ niver ledan kenañ (645 mouezh a-enep 26) eo bet degemeret danevell ar c'hannad europat François Alfonsi o c'houlenn ouzh ar gomision ur bolitikerezh difenn liested ar yezhoù en Europa, hag ez-ipisial ar yezhoù en arvar evel ar brezhoneg pe ar gallaoueg.

Gant an holl aozadurioù ezel eus Rouedad Europa evit Ingalded ar Yezhoù, ez eo laouen Kevre Breizh, ha saludiñ a ra ar c'hannad europat korsikat dilennet en anv EELV ha Pobloù ha Rannvroioù Kengred evit e labour hag an holl re o deus kemeret perzh en degouezh-se.

Ar mennad a c'houlenn ivez ouzh ar Stadoù n'anavezont ket c'hoazh e gwirionez liested yezhoù o broioù, da gas war-raok politikerezhioù nerzhus da skoazellañ treuzkas ar yezhoù war bep live ar vuhez prevez ha foran.

Dre-se, pas vez c'hoazh ur bolitikerezh nac'hus e Frañs, pa ya minister ar Justis da skouer a-enep da implij levrigoù familh divyezhek savet amañ e Breizh, e c'houlenn Kevre Breizh, goude danevell Caron war ar yezhoù rannvro, e vefe kaset war-raok ur bolikerezh youlek en deskadurezh, er media, hag er vuhezforan evitkas war-raok yezhoù Breizh.

Goulenn a ra ouzh François Hollande reiñ al lusk war-du un divyezhegezh war bep tachenn.

Documents liés

Tangi Louarn

Kevre Breizh a pour but le développement et la promotion de la culture bretonne, des langues spécifiques de Bretagne. Notre association rassemble les associations oeuvrant pour le développement de la langue et culture bretonnes, en favorisant leur coordination, en les soutenant et en apportant une aide à leurs actions, tout en permettant leur représentation collective auprès des institutions.

Voir tous les articles de Tangi Louarn →
12 septembre 2013
11:00:00 — modifié le 30/4/2026 07:58