ABP

- Dépêche -

SAB hag ar GIR a embann bout laeret panelloù kêrioù Fillon hag Auxiette

Ni, SAB hag ar GIR hon eus laeret panelloù-kêr Sablé-sur-Sarthe ha La Roche-sur-Yon, dilun e-kreiz noz pa oa an avel o vlejal war lein an ti. Ar c'hêrioù-se a oa

Par fabien Lécuyer pour Skol Diwan Kistreberzh le 6/05/11 15:41

Ni, SAB hag ar GIR hon eus laeret panelloù-kêr Sablé-sur-Sarthe ha La Roche-sur-Yon, dilun e-kreiz noz pa oa an avel o vlejal war lein an ti. Ar c'hêrioù-se a oa bet e penn o ziez-kêr, ar c'hentañ ministr bet e penn rannvro Broioù al Liger François Fillon, ha Jacques Auxiette, prezidant rannvro Broioù al Liger.

Abaoe skrapadenn ar panelloù-kêr e Solesmes e miz Kerzu tremenet, n'eus bet graet mann ebet gant ar gouarnamant evit lakaat e pleustr ar promesaoù graet gant Nicolas Sarkozy e 2007 a-zivout statud hor yezh-ni. Skoilhet-mik eo an adunaniñ hiziv-an-deiz, n'eus youl ebet, nag eus perzh ar gouarnamant, nag eus perzh rannvro Broioù al Liger. Ne vez ket taolet pled ouzh an dud a stourm abaoe ouzhpenn daou-ugent vloaz e Bro-Naoned. Goulenn-groñs a reomp digant ar Stad C'hall e vefe doujet ouzh c'hoantoù Kuzul-meur Liger-Atlantel, Kuzul-rannvro Breizh evit pezh a sell ouzh adunaniñ ar vro. Rankout a ra mont en arbenn d'ar gudenn-se, a-gevret gant ar bobl, d'he zirouestlañ, a-raok ma vije lakaet e pleustr an adreizh tiriadel e 2014.

Fellout a ra d'ar bobl bevañ en un tiriad dibabet ganti, ha n'eo ket gant prezidant rannvro Broioù al Liger a glask mougañ azgoulennoù demokratel an dud. Er C'huzul-rannvro ez eus ur strollad dilennidi votet ganto ur mennad o vont war du an adunaniñ. Goulenn-hardizh a reomp e vefe savet un tabud gant KR Broioù al Liger, KR Breizh ha KM Liger-Atlantel, evit ar geodedourien da zibab stern o bro. Muioc'h a youl ha bolontez a rank kaout KM 44 ha KR Breizh ouzh stourm an adunaniñ ha ret eo dezhañ doujañ ouzh an divizoù kemeret ganto en amzer dremenet.

Goulenn-start a reomp digant ar Stad hag ar rannvro Broioù al Liger e vije gant Breizh ar galloudoù demokratel ret evit kas da benn digabestr ur politikerezh yezh efedus gouest da herzel ar brezhoneg da vervel, d'e vroudañ ha da sevel dezhañ ur statud ofisiel e pep korn a Vreizh.

«Breizh o stourm» ur vanifestadeg vras a vo aozet d'an 18 a viz Even e Naoned, skoazell, broudañ anezhi a rank an holl ober. Gervel a reomp ac'hanoc'h gwitibunan da zont da Naoned da youc'hal ha da gas war raok an holl azgoulennoù demokratel hon eus komzet diwar o fenn en araok.

SAB ha GIR

[ Gwelout pennadoù all Skol Diwan Kistreberzh]

Vos 0 commentaires

Commenter :

Put your name here

ABP

Nous suivre