ABP

- Dépêche -

Produerien a c'houlenn ur priz reizh evit o laezh

Kroget eo produerien laezh Breizh da vanifestiñ e gourmarc'hadoù ar vro a-benn reiñ da c'houzout d'ar pratikoù doareoù ar stalioù a gavont direizh. Ar re-mañ a c'houlenn prenañ al laezh d'ur priz izel-tre pa vez gwerzhet d'ar vevezerien kalz keroc'h. Gounezet e vez arc'hant gant ar gourmarc'hadoù diwar goust ar

Par Gwenael Dage pour Ya ! le 20/12/06 18:55

Manifestet o doa produerien laezh Aodoù-An-Arvor d'ar Yaou 7 a viz Du e Loudieg a-enep doareoù ar gourmarc'hadoù da c'hoari gant priz al laezh. Deus un tu e klaskont lakaat ar broduerien da werzhañ ar marc'had-matañ ar gwellañ ha deus an tu all emañ ar priz o kreskiñ er stalioù. Goulenn a reont ma vo rannet an arc'hant gounezet ganto en un doare kempouesoc'h.

War-dro ugent desaver saout a oa deuet da vanifestiñ wr parklec'h ar supermarc'had Champion e Loudieg, diriaou paseet galvet ma oant bet gant an FDSEA (Kevread departamant sindikadoù al labourerien-douar) ha Kreizenn-departamant al labourerien-douar yaouank Aodoù An Arvor. Hag int ha gronnañ rannoù al laezh hag ar boued-laezh er gourmarc'had. Sioul eo chomet an traoù, evel ma oa bet goulennet gant prezidant an FDSEA en doa kemeret perzh en darvoud ivez. Gant seurt oberoù e fell d'an aozerien diskuliañ doareoù ar gourmarc'hadoù a laka priz ar broduerien da ziskenn pa vez ar priz kinniget d'ar vevezerien o kreskiñ atav. Tamall a ra al labourerien-douar da vicherioù all a-hed ar chadenn ober o mad eus an arc'hant a rankfe bezañ paeet dezho kentoc'h, evit ul lodenn anezhañ da nebeutañ. "Pa glever komz muioc'h-mui diwar-benn ar genwerzh reizh gant broioù all e plijfe deomp ivez gwelout ur priz reizh evit al laezh ivez" emezo.

N'eo nemet an deroù Goude bezañ peget skritelloù e-barzh rannoù ar gourmarc'had o deus strewet ar broduerien traktoù evit kelaouiñ ar pratikoù ha kinniget dezho lakaat o anv war ur sinadeg-harpañ. Goude un eurvezh e-barzh ar supermarc'had e oa aet kuit digudenn ar vanifesterien war-dro kreisteiz. Koulzadoù all evit sachañ evezh an dud a oa bet raktreset en departamant, an deiz war-lerc'h e ti-Leclerc Gwengamp, da skouer. Klevet e vo komz eus fulor ar broduerien e departamantoù all Breizh ivez, a-benn nebeut sur a-walc'h. Kroget int gant ar Mor-Bihan en devezhioù-mañ. Daoust da vanifestadeg kentañ al labourerien-douar bezañ bet sioul-tre d'an devezh-se e c'hellfe an darvoudoù da zont bezañ kreñvoc'h, hervezo, ma ne vez ket kinniget un diskoulm buan dezho. ABP/Ya!

Voir aussi :

An anvioù lec'h brezhonek en arvar ? par BREZHOWEB le 22/11/2024
Dan Ar Braz dévoile son parcours dans «Chemins bleus» par ChatGPT le 21/11/2024
Conférence d'histoire à Vannes sur la formation de l'identité bretonne par Olivier Caillebot et Jean-Jacques Monnier par Jean-Jacques Monnier le 20/11/2024
Ti ar Gouren doit pouvoir maintenir ses activités à Berrien par KG le 21/11/2024
Apprenez à jouer en breton au jeu de société le + vendu en France ! par BREZHOWEB le 20/11/2024
Abandon du projet du Quinquis : consternation par UDB le 19/11/2024
EXPOSITION JOHANNE GICQUEL QUIMPER par le 19/11/2024
Emmanuel Macron : « Les langues régionales sont un instrument de division » par ChatGPT le 19/11/2024

Ya ! Hebdomadaire intégralement en langue bretonne. 12 pages. Infos, loisirs (livres, disques, cinéma, sports, jeux, bandes-dessinées...) et services (petites annonces, offres d'emplois...). Parution chaque vendredi, sur abonnement. 5,5 euros/mois par prélèvement automatique ou 80 euros l'abonnement annuel. Renseignements et abonnements : Keit Vimp Bev, 02 98 26 87 12.

[ Voir tous les articles de Ya !]

Vos 0 commentaires

Commenter :

Put your name here

ABP

Agir

Nous suivre