Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
- Communiqué de presse -
Priz Sten-Kidna-Le long cours du Bono : roet da Erwan Hupel evit Yudal!

D'ar sadorn 6 a viz Mezheven, e oa bet kaoz a levrioù e brezhoneg er Bonoù (Morbihan), peogwir e oa bet roet ar priz lennegel Sten Kidna-Le long cours du

Christian Le Meut pour Sten Kidna An-Alre le 9/06/15 14:30

D'ar sadorn 6 a viz Mezheven, e oa bet kaoz a levrioù e brezhoneg er Bonoù (Morbihan), peogwir e oa bet roet ar priz lennegel Sten Kidna-Le long cours du Bono an deiz-se. Roet e oa bet d'ar juri c'whec'h romant e brezhoneg embannet e 2014 ha 2013, da lenn, dezhe da zibab an hani en deus plijet ar muiañ dezhe. « Yudal ! », bet skrivet get Erwan Hupel, hag embannet get Al Liamm, a zo aet ar maout getañ. Diàr intrudu ti-kêr ar Bonoù e oa bet savet ar priz e 2008, ha Kerlenn Sten Kidna eo a ra àr-dro sevel ar juri. Ur priz 700 ¤ zo bet roet da Erwan Hupel get ar maer, Jean Lutrot. Ha kendalc'het e vo get ar priz lennegel mañ get kumun Ar Bonoù er blezadoù da zont, eme Jean Lutrot. Plijet eo bet ar juri get levr Erwan Hupel a ziskoue buhez pemdeziek ur skolaer barzh ur skol vamm divyezhek, get ar pezh a zo plijus, ar pezh n'eo ket, an darempredoù get ar vugale, o zud, ar skolaerion all, divyezhek pe pas…

Setu roll al levrioù àr ar renk evit priz Sten-Kidna-Le long cours du Bono 2015 :

- Ar waremm vras, Youenn Kervalan, Al Lañv, 2013

- Bigorned sukr ha bara mel, Fañch Peru, Skol Vreizh, 2014

- Bizied Eva, Katelin Kerisit, An alarc'h embannadurioù, 2013

- Koll atav, Gégé Gwen, Skol Vreizh, 2013

- Milendall, Yann Fulup Dupuy, An alarc'h embannadurioù, 2013

- Yudal, Erwan Hupel, Al Liamm, 2013.

Ar skrivagnerien priziet dija :

- 2009 : Mich Beyer/Etrezek an enez

- 2010 : Herve Gouedard/Liñvadenn Kastellaodren

- 2011 : Riwall Huon/Ar marc'h glas

- 2012 : Yann Bijer/Torrebenn

- 2013 : Aziliz Bourgès/An diaoul ouz taol ; priz ispisial ar juri da Daniel Doujet.

- 2014 : Yann Gerven/Traoù nevez ; priz ispisial ar juri evit Herri ar Borgn.

- 2015 : Erwan Hupel/Yudal

Kerlen Sten Kidna, 6 straed Joseph Rollo, 56400 An Alre/Auray. (voir le site)

Voir aussi :
mailbox
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font 0 multiplié par 9 ?