S'accréditer |
S'abonner |
Se connecter |
Faire un donS'accréditer |
S'abonner |
Se connecter |
Faire un don
Gant div skolaerez, an holl liveoù ganto ha gant ur skoazellerez a Gatalunia e oa bet degemeret tri skrivagner Priz ar Vugale. O labourat en ur skolaj e oa Yann-Fanch Jacq digwener. Mat e vije bet dezhañ bout aze koulskoude...
Kroget e oa an abadennig e savadur "Aljeco" kozh ivez, met leun a vuhez en diabarzh, posterioù, kaieroù "lennegezh" treset ha livet brav gant ar skolidi. Goulennoù a bep seurt savet gant ar vugale ouzh an tri skrivagner deuet da welout anezho. Setu un nebeud respontoù graet gant ar skrivagnerien.
- Pegoulz 'peus kroget da skrivañ ? Er bloaz paseet, goude ur staj gant Stumdi, hag evit pleustriñ gant ar brezhoneg. Plijour a ra din kalz lenn, hag ar c'hleñvedoù spered, eme skrivagnerez "Bleunioù e-leizh".
- Pet levr ho peus skrivet ? N'ouzon ket re... Dek, pemzek ? Barzhonegoù, pennadoù a zo bet embannet e kazetennoù evel Al Liamm, pe Brud Nevez, ... eme Jakez-Erwan.
- Peseurt levr eo, hervezoc'h, an hini gwellañ e-touez an holl re ho peus skrivet evit ar youankizoù ? "Katrina", a respont Jakez-Erwan, "An tri fenn melegan" ha "Nedeleg laouen" a ouzhpenn Mai-Ewen.
Bugale aketus ha gouest da ezteurel o soñjoù. Laouen-kenañ e oa ar skrivagnerien o welout penaos oa bet lennet o levrioù.
Votet oa bet gant 100 bugel eus 9 skol (6 skol Diwan, 2 skol bublik, 1 skol brevez). Aet eo ar maout gant Yann Fanch Jacq ("an dilojañ"), heuliet a-dost (ur vouezh diforc'h) gant Mai Ewen ("Me Nana Marina". An trede plas a zo aet gant "D/Tangi hag ar merien" (Jakez-Erwan Mouton) hag ar pevare hini gant "Bleunioù e-leizh", skrivet gant Delphine Primault.
Vidéos
Newsletters
Flux RSS - français
ABP sur Facebook
ABP surTwitter
Chaîne Youtube ABP
ABP sur Google