Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
kanerien Paotred Pagan
kanerien Paotred Pagan
- Agenda -
Predig ha fest noz Meurlarjez e Gwiseni

Fenoz e vo dalc'het e Ti ar Gumun e Gwiseni ur fest evit Meurlarjez. Gwiseni n'eo ket Douarnenez anat eo, avat! Memestra e vo tu kaout plijadur e-leizh er fest-se aozet

Bruno LE GRAS pour ABP le 23/02/13 18:24

Fenoz e vo dalc'het e Ti ar Gumun e Gwiseni ur fest evit Meurlarjez.

Gwiseni n'eo ket Douarnenez anat eo, avat! Memestra e vo tu kaout plijadur e-leizh er fest-se aozet gant ar paotr mil anavezet er barrez Andre Abherve a zo ivez deus outañ penngeflusker Fest Bro Pagan.

Degemeret e vo an dud da 7.00 noz. Ur predig a vo mod tantad Sant Yann da lavarout an degas ganeoc'h da zebriñ gant ar re all evel ma vez kustum d'ober e bro Spagn.

Da 9.00 noz e krogo da vat gant ar fest-noz. Hag er bloaz-mañ e vo tu da glevout ouzh ur strollad kanerien 10 vloaz dezhañ hogen eo nevez lakaet anezhañ e anv evel kevredigezh pal dezhañ dont a-benn da rastelliñ arc'hant evit sevel ur bladenn nevez a-ziwar kanaouennoù ar mor; Paotred Pagan eo ar strollad-se gwall anavezet e kornig bro Pagan ha marteze e vo roet deoc'h an tu da glevout unan pe zaou eus pezh a vo e-barzh o fladenn a-benn an hañv.

Arabat din ankounac'haat lavar deoc'h lennerien ker e vo ar mont barzh evit ur bennoz Doue: ya,ya, c'hoarvez a ra alies e bro Leon zoken lec'h ma vez brudet an dud evit bezañ tost ouzh o arc'hant.

Dañserien ar vro, deuit niverus neuze tro deoc'h da vont a-enep yennijenn an amzer.

Voir aussi :
mailbox
doaretaer ABP evit Pariz ha Brest
Gwelout pennadoù all gant Bruno LE GRAS
Vos 0 commentaires
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font 6 multiplié par 4 ?