E 2004 e oa bet sinet ar garta Ya d'ar brezhoneg gant Pondi ; e 2007 e oa bet roet al label a live 2 dezhi. Divizet he deus ar gumun kreskiñ plas ar brezhoneg war he zachenn : divyezhek e vo plakennoù-straed kreiz-kêr diwar vremañ.
Goude un nebeud mizioù kenlabour gant servij Glad yezhel an Ofis e c'hell Pondi kinnig e kreiz-kêr plakennoù-straed en div yezh. En amzer da zont e vo lakaet plakennoù-straed divyezhek er c'harterioù all eus kêr o kregiñ gant al lodenn savet da vare Napoleon.