Kevre Breizh, Kenaozadur kevredigezhioù sevenadurel Breizh, o labourat a zevri evit difenn gwirioù ar yezhoù ha liested ar sevenadurioù war bep tachenn, a zo prederiet gant dazont ar c'heleier brezhoneg war Frañs 3, pa weler ur wech ouzhpenn ez eo bet skarzhet penn-da-benn ar gelaouenn 4 munutenn 30 pe krennet da 3 muntenn e-pad vakañsoù Pask.

Kaset en deus ar c'henaozadur al lizher amañ kevret da renerezh France 3 ha France Télévisions o sachañ ivez evezh Aurélie Filippetti, Ministrerez ar Sevenadur hag an Itron Brucy, Prezidantez ar Gefridi a ra war-dro ar c'hinnig rannvroel ha lec'hel evit France 3 a vezer o c'hortoz ar c'hlozadurioù anezhañ dizale.

Reiñ a ra da soñj ar c'henaozadur pegen didremenus eo liested ar c'helaouiñ er servij publik dindan e stumm yezhel ivez ha pegen pouezus eo doujañ da blas ar brezhoneg er vuhez gevredigezhel, evel ma z eo merket e kaier ar c'hargoù France 3.

France 3, chadenn bublik troet war ar rannvroioù, a rankfe bezañ benveg treuzkas ar brezhoneg e bed ar c'hleweled, evel m'en deus erbedet, e-touez reoù all, danevell ar Bodad kuzuliañ renet gant Rémi Caron evit kas war-raok ar yezhoù rannvro, roet da Aurélie Filippetti e miz Gouere 2013 oc'h embann « e rankfe bezañ kemeret gwelloc'h e karg ezhommoù ar yezhoù rannvro gant ar peadra a zo gant ar servij publik er ranvroioù » , pa vez kavet « re izel gant darn vrasañ ar spesialisted niver an eurioù er yezhoù rannvro evit bezañ gwelet ha klevet en doare d'o derc'hel bev en dazont » .

Goulenn a ra Kevre Breizh ma vo un emdroadur gwirion hag ingaloc'h er servij publik evit reiñ plas d'ar brezhoneg er vuhez pemdez ha ma vo kresket ar peadra evit goloeiñ en un doare ledanoc'h an darvoudoù nevez war vreizh a-bezh er pemp departamant.

• Emmanuel Grégoire et l’abbé Macron  par David Grosclaude le 23/11/2024
• Pays de Redon. La Bogue d’or, rendez-vous du « génie populaire » par Le blog de paul Molac le 05/11/2024
• Catherine Vautrin en Corse : Régions et Peuples Solidaires appelle l’Etat à enfin aboutir sur l'autonomie par RPS le 25/10/2024
• Gouvernement Barnier : des nominations inquiétantes par RPS le 24/09/2024
• Quelle future gouvernance en France ? par Marcel Berrou le 08/07/2024
• Après deux cycles de trois ans du Parlement de Bretagne réveillé, voici venir le troisième cycle ! par KAD le 01/07/2024
• Résolution pour la Réunification de la Bretagne à la XIXème Assemblée Générale de l'UNPO à Munich, les 11 et 12 mai 2024 : par KAD le 07/05/2024
• TER Nouvelle Aquitaine : quelle honte !   par David Grosclaude le 18/04/2024
• Les Braises de la Rencontre, le 5 mai 2024, sur le parc de sculptures mémorial de MAB Koad Sav Pell ! par MAB, Musée Archipel Breton le 16/04/2024
• Koun Breizh s’indigne : Non ! les festoù-noz ne sont pas des lieux réservés aux « attardés » ! par Koun Breizh - Bertaign Tenant - Mémoire-de-Bretagne le 07/01/2024