Lennet o doa levrigoù bihan Priz ar Vugale pa oant e CM1/CM2. Sot int gant al lenn, ha plijet gant ar c\'hrouiñ istorioù, sikouret int bet gant Mai-Ewen da beurlipat o skridoù e Kemperle digwener.

Pemp istor, faltazi enno alies : \"ur sorserez eo mamm-gozh\" gant ur c\'hazh a gomz, ur vran farsus, skrivet gant Maina. Evit Maell, eo levezonet he skrid gant istorioù gwir : marv ar giez, Kaella, a glot gant disparti he zud, an diouer a vignonezed er skol m\'eo degouezhet nevez\' zo, re drist ar vuhez ...

Ijinet eo bet gant Marilou ha Kynan istor bugale o chom e Pariz hag o vont da vakansiñ da di o zud-kozh. Met aze, o deus bevet traoù drol, ar Bonedoù ruz, ur vag a ya d\'ar strad ... Ankenius. Gant Maiwen, an daou haroz o deus galloudoù hud hag a zeu a-benn da nijal. Un istor all a zo etre gwirionez ar faltazi : ur bugel sot gant avañturioù ar roue Arzur a vesk anezho gant ar bed gwirion, pa lavar d\'e voereb \"Gwenvred\" e-lec\'h Gwenael...

E Naoned gant Pierre-Emmanuel Marais, er Releg gant Goulc\'han Kervella hag e Karaez gant Mich Beyer eo bet bevet an hevelep avañtur : a-drugarez d\'ar gelennerien Silvain, Sten, Dominig ha Yann Fañch e vo istorioù nevez, hag un avel yaouankiz evit pempvet Priz ar vugale ha navvet Priz ar Yaouankiz.

Evit ar skrivagnerien a vefe dedennet gant kas ur skrid buan, an deiziad a oa bet lakaet d\'al Lun 14 a viz Meurzh. Daleet eo bet betek an 28/3. Pegit en ho pluenn ha kasit ur skrid evit ma vo liesseurt ar pezh a vo kinniget a-benn bloaz (niver a sinoù : 10/12 000 priz ar Vugale, 40 000/50 000 evit priz ar yaouankiz - romant pe dastumad danevelloù)

lec\'hienn : afea.free.fr / afea [at] laposte.net

• Priz Nobel al Lennegezh ha sonerezh Rap 'ba deiziataer ar miz ! par BREZHOWEB le 01/02/2024
• Taol grenn disadorn 28/10 ba Karaez : al lennegezh evit ar yaouankiz e brezhoneg par Kerne Multimedia le 20/10/2023
• Priz ar Vugale : div enrolladenn dija, hag ur c'haier poelladennoù par Kerne Multimedia le 13/10/2023
• Gwernioù kuzhet, ul levr brav da brofañ ! par Kerne Multimedia le 30/10/2022
• Penn da benn : deuit niverus da skoazell ar stal ! par Kerne Multimedia le 04/09/2022
• 10 levr enrollet gant Keit Vimp Bev ha fea par Tvbro kemperle le 16/02/2022
• Me garfe mont : un doare dic'hortoz da selaou Grall par Kerne Multimédia le 30/12/2021
• Villon et Grall expliqués aux lycéens par Kerne Multimédia le 28/11/2021
• War bord an oabl : un abadenn e Kemperle leun a varzhoniezh par Kerne Multimédia le 20/11/2021
• Grall : les hommages et les débats commencent en Pays de d'Aven par Kerne Multimédia le 14/11/2021