Skrivagnerien haiku an daou, graet o deus asambles ul levr gant skeudennoù, "haisha" a vez graet anezho.

Skrivagnerien haiku an daou, graet o deus ul levr gant skeudennoù, "haisha" a vez graet anezho, asambles.

"Etre oabl ha mor", setu titl al levr, gant fotoioù ha testennoù Patrick Fetu, skrivagner haiku, savet gantañ meur a varzhoneg, liammet gant ar mor alies.

O chom kichen Pariz, kine, Patrice a blij dezhañ arz an haiku, ha plijus ken-ken eo lenn e levr, daoust da "glichedoù Breizh" a vez kavet un tamm memestra gant kalz a velkoni, traoù "mergle"t (met se vez kavet gant Lors Landat, ha Kris Menn ivez), bigi o vervel, koeff ar vaouezh kozh dindan e "gorzenn wer".

Met brav ar skeudennoù, brav al levr (golo da cheñch marteze, ken simpl eo...), kit neuze d'e lenn ha pleustrit evit sevel barzhonegoù evel-se, skignit anezho, prenit e levr evit mont donoc'h e arz an haisha !

Kozh kouc'h bronduet

karout 'rafe ar moraer kozh

e welout o ouelediñ. /

Dirak e gouc'h

digor d'ar seizh avel

an droug-bouzelloù. /

Mergl hag ankounac'h -

emañ ar penton kozh o c'hedal

an tarzh-mor diwezhañ. /

Etre oabl ha mor

Patrick Fetu

Unicité

Fanny Chauffin pour Kerne Multimédia
26 septembre 2017
15:35:00 — modifié le 15/2/2026 10:44
Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....