Ret e vo da Vona ha d'he familh bezañ kalonek : aet eo kuit Paskal kalz re vuan. Kement a draoù en doa d'ober c'hoazh ...
Glac'haret ar mignoned ha bed ar vrezhonegerien, gant ar c'heloù mantru-mañs : marv eo Paskal Boccou war an hent pa oa o vont da vakansiñ e kreisteiz bro C'hall.
Den ebet ne c'hello disoñjal mousc'hoarzh ar paotr, aozer ar Redadeg, e kroaz-hent ar micherioù e Karaez, dirak an Ensellerezh Akademiezh evit kaout postoù skolaerien e rummadoù divyezhek Douarnenez, pe o servij gwin mat e festival Douarnenez.
Stourmer, komprenet en doa buan-tre e oa d'ar Vretoned da gentañ da zifenn o yezh, o sevenadur hag o ekonomiezh. Kenavo Paskal, gant ma vo stourmerien all ken barrek ha te, stourmer an disheol ha kamerad feal !
Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....
Commentaires (0)
Aucun commentaire pour le moment. Soyez le premier à réagir !