Park an Arvorig a sin Ya d'ar brezhoneg

- -

Degemeret e oa bet Lena Louarn, prezidantez Ofis ar Brezhoneg, e sez Park naturel rannvro Arvorig er Faou, d'ar 16 a viz Kerzu 2009, gant an ao. Andre ar Gag,

Visant Roue pour Office de la Langue Bretonne 44 le 18/12/09 9:36

Degemeret e oa bet Lena Louarn, prezidantez Ofis ar Brezhoneg, e sez Park naturel rannvro Arvorig er Faou, d'ar 16 a viz Kerzu 2009, gant an ao. Andre ar Gag, besprezidant ar Park ha kuzulier-departamant eus Penn-ar-Bed, evit sinañ an emglev Ya d'ar brezhoneg.

39 c'humun eus kreiz Penn-ar-Bed a zo bodet er Park ha 4 c'humun ouzhpenn ha kêr Vrest zo gevellet gantañ.

Ul lodenn eus ar 17 ober dibabet gant ar Park evit diorren ar brezhoneg e-touez 52000 annezad kumunioù ar Park a sell ouzh mont en-dro melestradurel ar Park.

Par-ha-par e vo skrivet ar brezhoneg hag ar galleg war ar skoroù-mañ : logo ar Park; ar paper-lizher hag ar goloioù ; ar siell post war al lizhiri; ar pedadennoù embannet evit an abadennoù aozet gant ar Park; sielloù ar servijoù; kemennadenn ar responterez; al lec'hienn genrouedad; an teulioù kelaouiñ (evit kinnig ar Park pe kelaouiñ ar gazetennerien) ; pennad-stur ha pennadoù zo e kazetennoù ar Park.

Mod-all e vo roet plas d'ar brezhoneg war panelloù diabarzh ha diavaez ar savadurioù e dalc'h ar Park ha kement panell nevez a vo divyezhek. Ur studiadenn war holl anvioù-lec'h ar Park a vo kaset da benn gant an Ofis.

Brudañ ar brezhoneg a vo graet gant ar Park ivez. Impljet e vo ar brezhoneg e kefridioù liesseurt ar Park ; brudet e vo an oberoù kaset war-raok evit ar brezhoneg gant ar Park ; graet e vo gant ar brezhoneg pa vo aozet emgavioù ha lidoù ofisiel ; brudet e vo ar garta Ya d'ar brezhoneg dreist-holl e-touez ar c'humunioù ezel eus ar Park ha kemeret e vo perzh e brudadeg vloaziek ar c'hentelioù brezhoneg war dachenn ar Park.

Gwelout pennadoù all Office de la Langue Bretonne 44

Vos 0 commentaires :

Commenter :

Put your name here

ABP

Embann

Nous suivre