Dic'hortoz, fresk, fentus ... chañs o deus al lennerien da lenn romant nevez Paol ar Meur

Dic'hortoz, fresk, fentus ... chañs o deus al lennerien da lenn romant nevez Paol ar Meur : "Eus e steredenn d'eben", evit ar re Drede/Termen.

>

ABP - Pet levr 'peus skrivet evit PAV ha PAY ?

Paol ar Meur - Unan hepken, ur skrid adkavet gant un embanner ugent vloaz war-lerc'h bezañ bet skrivet. Freuzstal oa bet graet gant an ti-embann ha n'em boa ket dalc'het div skouerenn eus ar skrid. Me 'soñje din e oa kollet da viken. Goulenn e oa bet diganin kas ur skrid d'ar mare-se pa ne oa ket kalz levrioù da ginnig d'ar grennarded.

ABP- Peseurt raktresoù zo war ar stern ganit ?

Paol ar Meur - Hini ebet petra bennak ez eus kalz mennozhioù em fenn, re skuizh on war-lerc'h ma devezhioù labour evit duañ paper adarre, ha sammet ivez gant ma labour evit ar c'helaouennoù.

ABP - Ha lennet' peus levrioù all PAV ha PAY ?

Paol ar Meur - Pell 'zo ne lennan ket mui levrioù evit ar re yaouankañ. 

ABP - Deizh ha bloaz ar priz : petra 'pije c'hoant da lavarout d'an aozerien ?

Paol ar Meur - Trugarez da vroudañ an dud da skrivañ.

Fanny Chauffin pour ABP
13 octobre 2012
19:13:00 — modifié le 7/2/2026 18:57
Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....