Put your name here

connexionS'accréditer | S'abonner | Se connecter | Faire un don
> Logo ABP
ABP e brezhoneg | ABP in English |
- Présentation de livre -
Nav romant evit ar re yaouank... hag evit ar re all

Disadorn vintin e Kemper, 6 skrivagner o tifaziañ, oc'h adlenn, o peurlipat

Fanny Chauffin pour ABP le 2/07/12 22:03
26561_1.jpg

A-drugarez da Vich Beyer, difazierez gopret gant ar gevredigezh fea, e penn aozadur Priz ar Yaouankiz ha Priz ar Vugale abaoe dek vloavezh dija, o deus bet ar skrivagnerien da labourat dre bostel ganti.

Bremañ eo ret soñjal e peseurt golo a vo dibabet, petra skrivañ war gein al levr... Un eostad fonnus a skridoù a zo bet : romant polis gant Yann Bijer, Skiant faltazi gant Paol ar Meur, heroic fantasy gant Ewen Jacq, danevelloù gant Milena Krebs, ur skrid buhez boemus un tamm gant Mai-Ewen hag heuliad avanturioù an arroz yaouank gant Paskal Hervio. Peadra da lenn evit tout an dud a blij dezho lenn e brezhoneg.

Hag evit ar re vihan ? Ur c'had a gomz, ur jav a a gomz, ur pesk a gomz ... Levezon ar romant skrivet gant Maina Mallejac ar bloaz paseet ? Fent ha barzhoniezh a vez kavet ingal enno. Hag adkavet romantourien ampart evel Pierre-Emmanuel Marais, Jakez-Erwan Mouton hag Anthony Renaudin.

Dre rummad :

-PRIZ AR VUGALE 2013

Un huñvre aet da wir, Jakez-Erwan Mouton : Ne blij ket ar skol da Lomig. Ar pezh a blij dezhañ ? Tresañ martoloded ha listri, laboused mor ha pesked. Hag adkavout e dad, marvet war vor. Ha ma vefe bev c'hoazh ?

Ar voest, Anthony Renaudin

Petra ober gant un troer-biñsoù war porzh ar skol ? Klask un teñzor ?

Deomp Slowly, Pierre-Emmanuel Marais : Slowly n'eo ket ur jav evel ar re all. Dre chañs evit ar marc'heger bihan a zo war e gein. Gouzout a ra an daolenn lieskementiñ hag ur bern traoù all.

Gad Nenenn, Gwir pe gaou : hag eñ e vev gad Nenenn e foñs ar c'hoad ? Istor ur plac'hig a zesk furnez ar vuhez gant ur vaouezh kozh  un tamm sorserez anezhi. 

PRIZ AR YAOUANKIZ 2013, 6VET/PEVARE

Bro gozh Mamadou, Paskal Hervio,

Avanturioù ar paotr yaouank er Sahel, e bro an Dogoned.

Kevrin an Enezenn, Mai-Ewen. Istor un enezenn e mor an Habask hag a zo aet diwar wel.

Marv war vor, Yann Bijer Met piv en deus lazhet an den kozh aet war vor da besketañ ? Un trafikour dramm ?

PRIZ AR YAOUANKIZ 2013, TREDE/TERMEN

Daou dre gant, Milena Krebs. Peder danevell a gont istorioù Erwan, Lomig, Aram, tud yaouank ha tud kozh o deus dibabet bevañ en ur mod all.

Chase Valeeg, Ewen Jacq, Heroic fantasy gant avanturioù ur paotr yaouank minor a gav e hent a drugarez d'ur sorser a zesk dezhañ ar mod da stourm gant galloudoù hud.

D'ur steredenn d'eben, Paol ar Meur Skiant faltazi mod fentus gant morlaerien an egor, listri hag emgannoù spontus...

Voir aussi :
mailbox
Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....
Gwelout pennadoù all gant Fanny Chauffin
Vos 2 commentaires
  Olier Biguet
  le Mardi 3 juillet 2012 08:57
Demat,
Er pennad-se, en unan eus ar frazennoù, e c'heller krediñ eo ganin-me eo bet troet Harry Potter. Padal eo gant Mark Kerrain, din da c'houzout, eo bet graet al labour-se. Trugarez da rezihañ mar plij.
a galon,
O. Biguet
(0) 
  Naon-e-dad
  le Mardi 3 juillet 2012 10:00
Ha Priz añv bravañ ul levr evit "Bro gozh Mamadou",war ar marc'had hag hep mar ebet! Bravig kavadenn, evit gwir, a larañ me!
(0) 
Commenter :
Votre email est optionnel et restera confidentiel. Il ne sera utilisé que si vous voulez une réponse d'un lecteur via email. Par exemple si vous cherchez un co-voiturage pour cet évènement ou autre chose.
ANTI-SPAM : Combien font 0 multiplié par 5 ?