Mizvezh ar brezhoneg e Gwened

-- Langues de Bretagne --

Communiqué de presse de Ti ar Vro Bro Gwened
Porte-parole: Anne-Claire Quiviger

Publié le 9/03/21 16:12 -- mis à jour le 09/03/21 16:12

Adkavit programm abadennoù Ti ar Vro Gwened

//Abadenn lenn e brezhoneg evit ar vugale//

D’ar Merc’her 17 a viz Meurzh - 5e00 gm

E kreiz mizvezh ar brezhoneg ha da geñver Meurlajez e vo kinniget gant Div Yezh Gwened ha Ti ar Vro Gwened un abadenn lenn abomoù e brezhoneg evit ar vugale. War tem an dilhad. Kinniget vo al lennadenn gant Anaïs Scornet.

=> war-eeun eus pajenn facebook Ti ar Vro Gwened

//Sketch "Laeroñsi taolenn Dürer//

D’ar merc’her 24 a viz Meurzh - 5e00

Kinniget gant strollad kentelioù noz gant Paskaëll Durand e Ti ar Vro Gwened (live 2). Sketch diwar-benn un enklask polis gant an enseller Frifurch. Filmet eo bet er gêr gant pep hini.

=> Da sellet war chadenn Youtube Ti ar Vro

//Atalieroù ar Merc'her//

Tutoioù video kinniget gant strollad kentelioù noz live 2 Ti ar Vro. Penaos ober war dro ur velo / keginañ / aozañ produioù an ti.

=> Da sellet war chadenn Youtube Ti ar Vro

//Prezegenn gant Yann-Glaod ar Ruied//

d'ar Gwener 26 a viz Meurzh

Evit prezantiñ al levr Le breton : des dialectes à la langue écrite, bet embannet gant Skol Vreizh e 2019, diwar kennigoù Albert Boché.

Prezegenn e galleg da 5e00 d'abardaez / Prezegenn e brezhoneg da 7e00 noz

=> war-eeun war pajenn Facebook Ti ar Vro Gwened

//Dorioù Digor skolaj-lise Diwan Gwened//

d'al Lun 15 a viz Meurzh(skolaj)ha d'ar Meurzh 16 a viz Meurzh (lise) da 6e30.

Skolaj-Lise Diwan ar Mor-Bihan a zo plijet é pediñ ac'hanoc'h d'e dorioù digor enlinenn

Ar blez-mañ e vo dizoloet ar skolaj-lise dre visio. Ar raktres pedagogel, ar vuhez er skolaj-lise, ar 6vet pe an 2vet klas a vo kinniget deoc'h get ar skipailh renourezh, ar penngasour, ar benngelennourion, ha skolajidi pe liseidi.

Ho koulennoù a c'helloc'h sevel dre ar c'horn flapiñ e-pad ar prezegennoù.

Dait e darempred geneomp evit kaout ar programm hag ar mod ober : skolaj.gwened [at] diwan.bzh

//Prizioù 2021: Ti ar Vro Gwened ragdibabet//

Er rummad "kevredigezh" evit ar c’hentelioù kanañ (bugale ha tud deuet) ha brezhoneg aozet enlinenn e-pad ar mareadoù kenfinañ.

Ar Prizioù zo aozet gant France 3 Breizh hag Ofis Publik ar Brezhoneg ha roet e vez ar garedonoù-se da dud prevez, da gevredigezhioù, da embregerezhioù pe da ensavadurioù o deus lezet ur merk en neveziñ e brezhoneg.

Evit gouzout disoc’hoù ar Prizioù 2021 notennit a-vremañ daou emgav : d'ar Gwener 26 a viz Meurzh adalek 8e30 noz war ar web ha d'ar Sul 28 a viz Meurzh da 10e10 war France 3 Breizh.

Adkavit tout ar programm war :

https://tiarvro-bro-gwened.bzh/

Chadenn Youtube :

Pajenn Facebook :

mailbox imprimer

Vos commentaires :

ANTI-SPAM : Combien font 4 multiplié par 5 ?
Note : Ce lieu est un lieu de débat. Les attaques personnelles ne sont pas autorisées. Le trolling est interdit. Les lois contre le racisme, le sexisme, et la diffamation doivent être respectées. Les pseudos sont tolérés mais ne sont pas encouragés. Par contre l'utilisation d'anonymiseurs pour modifier votre numéro ip entrainera la suspension de vos commentaires.