Merc'hedigoù bro Euskadi

Er gêr e vez komzet euskareg d'ar vugale e lod eus familhoù Euskadi.

Er gêr e vez komzet euskareg d\'ar vugale er familhoù mennet, bet skolidi o zud e Seaska, hag er familhoù o deus adperc\'hennet o yezh, bet kentelioù noz (AEK) gant o zud hag un nerzh divent enne alies.

Hozta, kêriadenn 600 ene enni. Un ti e-kreiz ar gêriadenn, bet un ostaleri gwechall. Hiziv an deiz e vev ennañ tiegezh Asisko, treser brudet e bro Euskadi, graet gantañ ar film \"Garxtot\", bannoù-treset, luddresadennoù...

Euskareg yezh an ti, yezh ar vignoned, yezh ar re vihan hag ar re yaouank. Met diaes e vez gant an amezeien a oar ar yezh ha n\'o dez ket re c\'hoant da gomz gant an estrañjourien-se, nevez-deuet d\'en em staliañ eno. Ha da Zevezh ar redadeg, n\'a ket an amezeien-se da redek. Chom a reont er gêr. Ar re nevez-deuet eo a ya da redek, ar re-se hag a vez o teskiñ ar yezh hag a zo deut... eus Bourdel.

Ne vern, selaou plac\'hig Gexi o kanañ meur a don en euskareg, n\'eo ket ur burzhud, a ro spi d\'an holl re a stourm evit ar yezhoù bihan. Hag ur c\'hoant eo, ur c\'hoant don en dud o deus dibabet komz yezh ar vro, ha setu tout.

Ar video : chug karotez graet gant Leixa hag Asisko (ur sitroñsenn, avaloù ha karotez e-leizh), ha da c\'houde, an abadenn \"pastorala\" gant ar vugale o tañsal hag o kanañ.