Me, Anjela, gant Anjela Duval

- Présentation de livre -

Anjela Duval [1905-1981] — barzhez ha skrivagnerez a Vro-Dreger (ar C'houerc'had). Anavezet eo Anjela Duval evit he barzhonegoù dreist-holl, met amañ eo un doare all eus pinvidigezh pluenn barzhez Traoñ an

Hor Yezh Mouladurioù Par Mouladurioù Hor Yezh le 30/05/11 15:18

Anjela Duval [1905-1981] — barzhez ha skrivagnerez a Vro-Dreger (ar C'houerc'had).

Anavezet eo Anjela Duval evit he barzhonegoù dreist-holl, met amañ eo un doare all eus pinvidigezh pluenn barzhez Traoñ an Dour eo a zo dispaket dimp, hini ar c'homz-plaen.

Ar pennadoù a gaver dastumet amañ eo eñvorennoù yaouankiz Anjela war-bouez ar peder c'hontadenn bodet e dibenn al levr hag ur barzhoneg. Kontañ a ra he buhez e Traoñ an Dour, an ti-feurm bihan dalc'het gant he zud betek ar brezel diwezhañ ha ganti hec'h-unan-penn goude-se.

Ar parkeier, al loened, ar plant, ar gwez, ar stêr hag an natur tro-dro dezhi eo he domani; n'eus ket par dezhi da gontañ diwar o fenn gant kizidigezh, fent ha karantez.

Taolenniñ a ra ivez tud ar vro, buhezioù kalet pa ranke pep hini labourat start hag en em skoazellañ an eil egile pa save bec'h ha diaezamant.

Anjela Duval a ra gant ur yezh c'hwek ha bev ha ne skuizher ket ouzh he lenn hag hec'h adlenn.

Anjela Duval est surtout connue pour ses poèmes, mais c'est une autre facette de la généreuse plume de Traoñ an Dour qui nous est présentée ici ; celle sa prose dans une langue vivante, ingénieuse et populaire.

Ce recueil rassemble principalement des récits de jeunesse, souvenirs de la vie de cette femme déterminée dans la ferme de Traoñ an Dour (tenue par ses parents jusqu'à la guerre puis par elle, résolument seule après leur mort).

La nature qui l'entoure est son domaine et elle n'a pas son pareil pour la décrire avec amour, sensibilité mais aussi humour. Elle évoque aussi bien sûr l'Homme dans ses souvenirs et dépeint la vie des gens du pays ; vie parfois difficile et laborieuse mais où la solidarité est omniprésente.

Embanner / éditeur : Mouladurioù Hor Yezh, 14 Louzaouenn-an-Hañv

22300 LANNUON

kab [at] brezhoneg.org - www.brezhoneg.org - 02 96 48 03 00

13 € (+ 3 € mizoù-kas / frais de port)

14,8 x 21 cm

180 p.

ISBN 978-2-86863-160-2

Skignet gant / diffusé par Coop Breizh

Deuet er-maez / parution : 05/2011