Evit lenn braventez ar bed e brezhoneg, unan eus an daouzeg barzhoneg a zo bet embannet a-nevez e Festicelte, kazetenn gouelioù an Oriant (an “alibi” e brezhoneg, ma fell deoc'h, n'eus tra all ebet e brezhoneg, siwazh)
Mannawiddan
En noazh dirak ar mor
ur minaoued en e zorn
e oar digor' an nor
ha lak' an tan er forn
e vlev hir ha luziet
war e glopenn
ar gwez a zo diwisket
gant e lagad lemm.
Ul lamm war an traezh
ur spluj prim 'kreiz an houlenn
ha ne chom diwar-c'horre
nemet ur c'helc'h spoum
diflistr' a ra er-maez
gant bezhin 'n-dro d'e c'houg
gouleier ha liv douget gantañ
war e choug.
O ! ar banneoù dour
dindan an heol a luc'h
'vel steredennoù aour
enaouet da greisteiz
youc'hal a ra d'ar c'houmoul
hag an avel ' c'hwezh
e galon stok en e vruched
ar bed a bulluc'h
War-sav dirak an heol
goustad 'n em lak da red'
laboused en-dro dezhañ
a gan douster ar bed
pign' a ra war ar reier
betek an tevenn
kouezhañ ' ra kreiz ar bleunioù
dizalanet-mik.
Gourvezet penn-da-benn
gant e valvennoù kloz
ar balafenned gwenn
a nij a-us d'ar roz
an avel pa c'houl'
a deu da flour' e groc'henn
mestr eo war an doureier,
ar c'houmoul, an tan
Ur youc'h berr ha nerzhus
da gaout e gezeg-mor
lamm' a ra war o c'hein
'vit kuitaat ar goudor
d'an daoulamm ruz
hei ! hei ! hei ! davet an arnev
e ya da 'n em goll pell
'touesk ar strak en donvor.
Bernez Tangi Rod an avelioù http://www.bernez-tangi.com/
( voir notre article ) evit ober anaoudegezh gant ar barzh, gant ur video.
- Jeux Olympiques 2024 vs festivals ? par UDB le 01/12/2022
- Coronavirus, un appel aux parlementaires bretons pour sauver les festivals d'août par Eric Léost le 20/04/2020
- Le coronavirus menace-t-il les festivals d'été bretons ? par Philippe Argouarch le 02/03/2020
- Les festivals de l'été 2018 dans le NORDOUEST par Yves-François Le Coadic le 24/09/2018
- Les festivals de Saint-Servant et Helléan solidaires avec Le Pont du Rock par Le blog de paul Molac le 21/11/2017
- L'attentat de Nice remet en cause les grands festivals bretons comme les Vieilles Charrues par Philippe Argouarch le 15/07/2016
- Skol Vreizh aux salons du livre ou festivals en Bretagne en été 2013 par Éditions Skol Vreizh le 27/07/2013
- Et si les Festivals de Bretagne aidaient à financer le Mémorial Bill Millin ? par Maryvonne Cadiou le 08/08/2011
- Jersey : deux festivals décoiffants pour la rentrée par Jersey Tourism le 23/07/2010
- Cap sur les festivals bretons pour 10 euros l'aller-retour en TER par Ronan Le Flécher le 08/07/2010