Mallus / Klask zo war-lerc'h brezhonegerion en departamantoù 35 ha 44 evit an heuliad un tu bennak e Breizh / Mall eo

- Agenda -

Klask zo war-lerc'h brezhonegerion en departamantoù 35 ha 44 evit an heuliad un tu bennak e Breizh (Bali Breizh, France 3 Breizh). N'int ket o chom dre-ret en departamant. Dedennet

Erik Gudenkauf Par Bali Breizh le 12/09/15 10:09

Klask zo war-lerc'h brezhonegerion en departamantoù 35 ha 44 evit an heuliad un tu bennak e Breizh (Bali Breizh, France 3 Breizh). N'int ket o chom dre-ret en departamant. Dedennet int get al lec'h e-unan mod pe vod.

Lakaat war-wel, reiñ da anavout, reiñ e bouez d'ul lec'h dianav pe nebeut anavezet e Breizh a-bezh eo ar pal aze.

A-bouez eo al lec'h taolennet evit meur a abeg : istor, skiantoù, spered, kevredigezh, ekonomiezh, sevenadur, arzoù… Anv zo a lakaat war-wel talvoudegezh liesdoare ul lec'h dibar dre un diviz etre daou zen. Daou sell kroaziet neuze, war al lec'h, o respont en eil doc'h egile. Test eo Yann Arvester doc'h pouez al lec'h, doc'h un eskemm ma vez roet titouroù, klevet ur frond, gwelet ul liv bennak hep na vehe dispaket pep tra… Reiñ c'hoant da ouiet hiroc'h c'hoazh en e geñver eo ar pal ivez. En holl, 25 lec'h dibar d'ober muioc'h anaoudegezh gete war ar 5 departamant (5 sujed 5-munut e pep unan anezhe).

Klask zo tud atav evit al lec'hioù pe temoù amañ da heul :

- Kamp roman pe viking e bro ar Renk (Sant Suliav)

- Sinema ha/e Breizh en ul lec'h dic'hortoz war an aod e-kostez Dinarzh

- Lenn, prenañ levrioù, evañ ur banne ha rannañ e soñj en ul levrdi e Begerel

- Koatadurioù ar Seizh Breur en un ti-krampouezh e Roazhon (danvez mojennel)

- Meinegi an XXIvet kanvet en ur c'harter pobl e Roazhon (sell war an dazont)

- Gwinegi e bro Naoned (Ar Palez) → klask zo war-lerc'h ur gwinoniour

- Breizh e bro Sant-Nazer, Gwenrann pe ar Briwer

- Kêr Naoned

- Roudoù an amzer dremenet war ribl ar ganol Naoned-Brest nepell a Sant-Nikolaz-an-Hent

- Pezh mell Peulvan dibar, en e unan, e Dol

Dedennet oc'h evit bout perzhiek er prantad treiñ e miz Here (etre ar 5 hag ar 16) ?