Mai Ewen, ur vleunienn en avel lennegezh Vreizh

- Conference debat -

Chom a ra da skrivañ ul lodenn vat deus istor ar skrivagnerezed e Breizh. Amañ e vez kejet ouzh Mai-Ewen, a skriv abaoe pell, evit ar re vras hag evit ar re vihan.

Fanny Chauffin pour ABP le 6/12/10 21:33

Didrouz ar c'hlas, pedet oa bet hiziv Mai-Ewen, barzhez, skrivagnerez, bet e-pad pell o skrivañ evit ar re deuet gant alioù fur Visant Seite. Sot gant ar skrivañ, al livañ, al lenn, treuziñ a ra ur vuhez leun a istorioù, a draoù kriz met leun a varzhoniezh ivez.

Penaos e oa kroget da skrivañ ? Un hir a istor eo. N'he deus skrivet nemet barzhonegoù e galleg pa oa yaouank. Ur wech desket ganti yezh he mamm-gozh, gouzout a ouie prezeg met ket skrivañ (o leñvañ e oa dirak levr "Barzaz Breizh" nevez prenet; ne gomprene ger ebet). Goude, a-drugarez da Visant Seite ha kentelioù brezhoneg, deuet eo-hi tamm-ha-tamm da vestroniañ ar skritur skolveuriek, ar yezh skrivet. Met pegen diaes he deus kavet da c'houde cheñch skritur...

Embannet e oa bet gant Brud Nevez haiku gant dourlivaj graet ganti, danevelloù ivez, tost ugent vloaz' zo. Gant Keit Vimp e oa bet embannet tost 8 levr dindan seizh vloaz : tri evit Priz ar Vugale ha 5 evit Priz ar Youankiz. Romantoù levezonet gant he bugaleaj, istorioù kriz, ur romant istorel evel "Ur vleunienn war askell an avel". Ganti e chom ur bern skridoù c'hoazh, ha c'hoant he deus da genderc'hel da embann he labour. Ur skrid n'eo ket embannet a zo eviti evel ur babig ne vefe ket ganet. Gant brezhoneg saourus bro Kemperle (bro Skaer) e vez skrivet pep hini anezho, adlabouret, adlennet. Ha pegen diaes eviti chom dirak hec'h urzhiataer o kontañ an niver a sinoù ...

Aozañ a ra ivez ur wech an amzer abadennoù barzhoniezh gant oberennoù Anjela Duval, Youenn Gwernig ha pediñ a ra Bernez Tangi, Alan Kervern ... Gwelet e vez anezhi un tammig e pep lec'h, war ar straedoù evit manifestiñ, en abadennoù, prezegennoù, hag ur sell lemm he deus war pep tra ... ha dreist-holl war plas ar brezhoneg er gevredigezh !

Amañ emañ o respont da c'houlennoù Sten Charbonneau, evit lansañ an abadenn "Ur skrivagner(ez), teir danevell". Gant ma vo skridoù brav savet gant ar re yaouank evit al lennerien kentañ derez !

20784_2.pdf Penaos degemer ur skrivagner(ez) er c'hlas evit sevel skridoù.. Source : association féa

Voir aussi :

Priz Nobel al Lennegezh ha sonerezh Rap 'ba deiziataer ar miz ! par BREZHOWEB le 01/02/2024
Taol grenn disadorn 28/10 ba Karaez : al lennegezh evit ar yaouankiz e brezhoneg par Kerne Multimedia le 20/10/2023
Lennegezh dre skrid ha dre gomz : ne c'heller ket komz brav hepti ! par Kerne Multimédia le 25/09/2017
Lennegezh bro Skos : Walter Scott par Kerne Multimédia le 06/08/2017
Kemper. Kafedi Lennegezh : Ar Sketla Segobrani, d'an 3 a viz Kerzu par Kevredigezh Vrezhon le 24/11/2016
Kafedioù Istor, lennegezh ha yezh 2016-2017 e Kemper par Kevredigezh Vrezhon le 16/10/2016
Barzaz Breiz e Maner Kernot : lennegezh Breizh e dilhad Sul par FC le 13/11/2015
Les fées ont une histoire, avec Claudine Glot par FC le 07/03/2015
Lennegezh Breizh hag an dour en Alre par FC le 02/03/2015
An dour en-dro d'an inizi en Alre par FC le 01/03/2015

Cet article a fait l'objet de 1195 lectures.

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

Gwelout pennadoù all gant Fanny Chauffin

Vos 0 commentaires :

Commenter :

Put your name here

ABP

Embann

Nous suivre