Sizhunvezh ar brezhoneg hag ar galaoueg o tont ! Ur bern emgavioù dedennus 'zo kinniget ! Na chomit ket etre daou, kemerit perzh ! Kit war lec'hienn an ACB (www.acb44.org) evit kaout roll resis ar sizhunvezh.

Na zisoñjit ket lakaat hoc'h anvioù evit lod eus an obererezhioù.

Setu an darvoudoù aozet gant Kentelioù an Noz :

- Tañva d'ar gallaoueg : d'ar Meurzh 31 e Yezhoù ha Sevenadur (Sant-Ervlan) gant Yves Bourdaud. Eus 8e da 9e30 noz. 5¤ pe 3¤ evit izili Kentelioù an Noz. Ret eo en em enskrivañ a-raok ar Gwener 27 a viz Meurzh.

- Stal "kontit, marvailhit" : d'ar Merc'her 1 a viz Ebrel e Yezhoù ha Sevenadur (Sant-Ervlan). Eus 3e da 6e. Deskit penaos kontañ istorioù, lenn danevelloù, ijinañ marvailhoù gant Yann-Ber Quirion. 10¤ pe 6¤ evit izili Kentelioù an Noz. Ret eo en em enskrivañ a-raok ar Gwener 27 a viz Meurzh.

- Heuliet gant un Apéro-marvailhoù, digor d'an holl, d'ar re o deus kemeret perzh er stal "koñtit, marvailhit", met ivez d'an holl a blij kontañ, kanañ, selaou kontadennoù, seniñ, hag all hag all ! Digoust. Da 7e e Yezhoù ha Sevenadur.

- Tro ha Bistro "mini Fest-Noz" : d'ar Yaou 2 a viz Ebrel en ostaleri Livresse (9 straed an Ti-kêr e Naoned). Adalek 8e noz. Un nozvezh tro-dro d'ar brezhoneg, gant kanerien ha sonerien. Un digarez evit komz brezhoneg, dañsal, kanañ ha debriñ krampouezh (gant Diwanig). Ma fell deoc'h kanañ, deuit e darempred ganeomp : chom a ra plasoù war al leurenn !

- Skrivadeg ha Kwiz : d'ar Sadorn 4 a viz Ebrel e sal an Ingalded (6 bali Léon Jouhaux e Naoned). Da 2e. Ar Skrivadeg heuliet gant ar C'hwizz, un darvoud nevez, kenurzhiaet gant DAO. Disoc'hoù ar Skrivadeg vo roet da-geñver gouel fin ar bloaz Kentelioù an Noz.

Un nebeud tirouroù diwar-benn at C'hwiz : digor eo d'an holl, tud deuet ha bugale, deraouidi pe brezhonegerien ampart ; skipailhoù etr 3 ha 5 den, gant bugale pe krenarded er skipailhoù pe get (adalek 7 bloaz) ; 5 rummad goulennoù : istor-douaroniezh, sevenadur, sport ha dudi, skiantoù ha natur, brezhoneg ; lusket e vo e brezhoneg penn da benn met skignet ar goulennoù e divyezh ; gourfenn evit ar skipailh a yelo ar maout gantañ d'an 13 a viz Even (n'eo ket bet divizet al lec'h) ; merenn-vihan profet d'an holl. Enskrivadur dre strollad (etre 3 ha 5 den) pe hiniennel (savet e vo skipailhoù ganto). Aliet hoc'h da lakaat hoc'h anav a-raok ar Merc'her 1añ a viz Ebrel.

Evit lakaat hoc'h anvioù, kit e darempred gant Kentelioù an Noz, dre bellgomz, 02 40 20 39 74, pe dre vail, kenteliouannoz [at] gmail.com.

Kemer a ra perzh Kentelioù an Noz ivez e :

- Dorioù digor e Yezhoù ha Sevenadur ha dijuniñ triyezhek : e Sant-Ervlan, d'ar Sadorn 4 a viz Ebrel, eus 9e da 1e.  Dijuniñ e brezhoneg, galeoueg ha galleg gant Hervé Lossec ha Daniel Giraudon, eus 9e30 da 11e. Adalek 11e, dedioù er c'hKDSK gant Hervé Lossec ha Daniel Giraudon. Digor d'an holl. E Yezhoù ha Sevenadur, 13 straed ar breolimer, e Sant-Ervlan. Aozet gant Y&S, gant kenlabour Kentelioù an NOz, KDSK, Skol An Emsav ha Skolaj Diwan Liger-Atlantel. Tirouroù : 02 40 85 27 22 - 07 82 70 15 14 – yezhou44 [at] gmail.com

- Nozvezh sonerez ha c'hoarioù : karaoké, bling test ha sonadeg Adnos : e Naoned, d'ar Sadorn 4 a viz Ebrel. E Ti-Keltiek, da 8e30. Priz dieub. Aozadur : Yezhoù ha Sevenadur, gant skoazell Kentelioù an Noz. Titouroù : 02 40 85 27 22 – 07 82 70 15 14 – yezhou44 [at] gmail.com

Deuit niverus ! Plijus tre e vo evit an holl !

Titouroù : Kentelioù an Noz, 02 40 20 39 74, kenteliouannoz [at] gmail.com, breton-nantes.org

• Emmanuel Grégoire et l’abbé Macron  par David Grosclaude le 23/11/2024
• Pays de Redon. La Bogue d’or, rendez-vous du « génie populaire » par Le blog de paul Molac le 05/11/2024
• Catherine Vautrin en Corse : Régions et Peuples Solidaires appelle l’Etat à enfin aboutir sur l'autonomie par RPS le 25/10/2024
• Gouvernement Barnier : des nominations inquiétantes par RPS le 24/09/2024
• Quelle future gouvernance en France ? par Marcel Berrou le 08/07/2024
• Après deux cycles de trois ans du Parlement de Bretagne réveillé, voici venir le troisième cycle ! par KAD le 01/07/2024
• Résolution pour la Réunification de la Bretagne à la XIXème Assemblée Générale de l'UNPO à Munich, les 11 et 12 mai 2024 : par KAD le 07/05/2024
• TER Nouvelle Aquitaine : quelle honte !   par David Grosclaude le 18/04/2024
• Les Braises de la Rencontre, le 5 mai 2024, sur le parc de sculptures mémorial de MAB Koad Sav Pell ! par MAB, Musée Archipel Breton le 16/04/2024
• Koun Breizh s’indigne : Non ! les festoù-noz ne sont pas des lieux réservés aux « attardés » ! par Koun Breizh - Bertaign Tenant - Mémoire-de-Bretagne le 07/01/2024