Lizher kaset da Manuel Valls gant Joan Daniel Bezsonoff

Aotrou Ministr,

Kemer a ran ar frankiz da skrivañ al lizher-mañ deoc´h evit reiñ ma gourc´hemennoù deoc´h abalamour ma'z oc'h bet anvet d´ur post ken pouezus. Ne gav ket din ez anavfec´h ac´hanon. Gant ho kargoù ne zleit ket kaout kalz amzer da lenn klaz levrioù katalonek.

A viskoazh on bet douget deoc´h pa´z eus kalz traoù hag a zo boutin deomp hon-daou. C´hwi zo ganet e Barselona e 1962 ha me e Perpignan e 1963. C´hwi zo maer kêr-Evry ha me ´m boa tremenet ul lodenn vras eus ma bugaleaj e Massy, 17 kilometrad diouzh ho kêr.

En tu all d´an istor bihan, on bet plijet bepred gant ho mennozhioù. C'hwi z our sokialour bet dilezet gantañ loaroù kozh ar varksouriezh. N´oc´h ket taget gant an aelouriezh, an dallegezh spered evel kement a gamaraded eus ho strollad. Un den pleustrek oc´h, eoriet er gwirvoud. Padal n´hoc´h eus ket dilezet uhelvennadoù ho yaouankiz nag ar youl da wellaat ar gevredigezh, da lakaat anezhi da vezañ reishoc´h.

Evel an holl Frañsizien oc´h bet azezet war bankoù skol ar Republik hag he deus roet deomp un deskadurezh solut hag ur stummadur sevenadurel priziet ganeomp.

Trist eo kalz eus keodedourien Frañs avat rak ar Republik ne ro ket tu dezhe da ren ur vuhez seder. Displegañ a ran, Aotrou Ministr. Plijout a ra ar galleg kalz din ha laouen on o vezañ gouest da gompren holl arlivioù kanaouennoù Jacques Brel ha Georges Brassens, da c´hallout lenn war-eeun Marcel Proust, Balzac pe Flaubert, da anavout holl filmoù Louis Jouvet pe Jean Gabin.

Plijet e vije bet avat m´he dije ar Frañs zous karet he c´hoarezed bihan katalonek, okitanek, euskarek, korsek, arpitanek, brezhonek, flandrezek, elzasek. N´emaomp ket en XIX vet kantved ken. War sevel Europa emaomp. Diskaret eo bet an harzoù ha poent e vefe marteze d´ar republic chom hep en em santout gourdrouzet hag anavout he finvidigezh yezhel. Aotrou Ministr, c'hwi hag a zo Katalonad, ha fellout a ra deoc´h e varfe da viken war douaroù ar Frañs ar yezh a gomzit gant ho mamm? Hep ar c´hataloneg, an okitaneg hag o holl c´hoarezed e vije ar Frañs ur vered yezhoù, kañvaouus, disec´het , trist evel un hañv hep heol hag ur vuhez hep karantez.

b>Joan Daniel Bezsonoff,skrivagner katalanek

Troet e brezhoneg gant Gwenael Emelyanoff

Diwar-benn ar skrivagner: (voir le site)

• "Il faut qu'ils rendent gorge" : Manuel Valls à Médiapart par Kerne Multimédia le 23/12/2017
• Giovanna Valls engueule son frère Manuel Valls sur la Catalogne par Philippe Argouarch le 24/10/2017
• Les Alsaciens Réunis dénoncent les propos irresponsables de Manuel Valls par Les Alsaciens Reunis le 09/12/2015
• Pétition adressée à Manuel Valls pour démonter le château des Ducs de Bretagne et le reconstruire en région Bretagne par BREIZH UNITED sas le 03/07/2015
• Qu'est venu faire Manuel Valls en Bretagne ? par Droite et Centre de Bretagne - Breizh tu-dehou ha tu-kreiz le 18/12/2014
• Anne de Bretagne et … Manuel Valls par Comité Anne de Bretagne 2014 le 18/12/2014
• 2 décembre : Manuel Valls à Nantes et à l'Assemblée nationale par Bretagne Réunie le 03/12/2014
• Déclaration de Manuel Valls : la réunification plus que jamais ! par Union Démocratique Bretonne / Unvaniezh Demokratel Breizh le 12/04/2014
• La Bretagne réunifiée sur le bureau de Manuel Valls par Philippe Argouarch le 11/04/2014
• Réorganisation territoriale: Manuel Valls promet et pendant ce temps-là l'Italie réforme par Christian Troadec le 08/04/2014