Lizher d'an dilennidi ha d'an dud e karg eus ar Fourneau : muioc'h a vrezhoneg er Rias, mar plij !
Lettre ouverte de Kerne Multimedia

Publié le 30/08/22 18:30 -- mis à jour le 30/08/22 18:30

Setu ar pezh hon eus resevet digant Kuzulioù Skoazell hag AEPoù Diwan Kemperle ha Banaleg, asambles gant Lena Louarn :

Toutes nos newsletters et tous nos agrégateurs sont gratuits ! Abonnez-vous !

Itronezed hag aotrounez, hag a labour evit festival Les Rias

Abaoe trizek vloaz e vroud ar festival ur mor a dud e bro Kemperle, o tegas huñvreoù, nerzh krouiñ, barzhoniezh, fent... e pep lec'h er vro. Arzourien etrebroadel, gant ul live uhel, a c'hoari e lec'hioù dianav, gant tud ar vro oc'h adperc'hennañ an douaroù a zo dezho, o chapelioù, o aberioù, o lec'h bevañ ha pa vefe naturel pe gladel dreistordinal.

Neuze, gourc'hemennoù deoc'h

Met evidomp e chom daou dra da labourat warno. Gwir eo, e vez lakaet da labourat a-gevret, tud ar vro evit al lec'hioù "kenvevañ". Fardañ a reont krampouezh, boued ar bed, bara pok-ha-pok, merañ a reont tavarnioù war tost an holl lec'hioù abadennoù, hag imoret mat e vezont evit prientiñ ar fest ha kenlabourat en un doare dreistordinal. Met, en ur pennad embannet nevez zo gant kelaouennoù ar vro hon eus lennet e oa un arzour hepken a oa eus ar vro, hag ar c'hentañ o chom e Kemperle abaoe... trizek vloaz : Philippe Janvier. Ne vefe ket posupl prientiñ daou di-annez e bro Kemperle, adalek miz Here, gant arzourien ha kompagnunezhioù lec'hel sikouret gant ar Fourneau, en ur brientiñ un abadenn war ar straed, liammet gant lec'hioù gladel, istorel ? Ha skignet e vefent e bro Kemperle goude les Rias, da skouer ? Gant krennarded, bugale, tud a vicher, en ur gemer harp war al labour brav-kaer kaset gant 55 bugel ha krennard eus bro an Alre, sikouret gant ur gompagnunezh eus bro Euskadi en abadenn "Dansomp ar vro" ?

Kar e-pad ar bloaz, ne vez ket kinniget kalz abadennoù d' an 3000 bugel ha krennard eus bro Kemperle gant an tiez-kêr : e Kemperle etre 100 ha 300 plas pa ya mat an traoù, ur c'hempouez da adlabourat eo, evit kinnig da bep bugel ha krennard un abadenn e-pad ar bloaz hag aze e vefe un abadenn kenbroduet gant les Rias hag ar Fourneau ? Hag un abadenn da c'hoari war porzh ar skol, el levraouegoù, hag evit an tri rumm skolioù (Diwan, prevez, publik) ?

Poent diwezhañ : ar brezhoneg. Sinet e oa bet gant c'hwezek kumun Kemperle Kumuniezh ar garta Ya d'ar brezhoneg, ouzhpenn 600 skoliad da lavaret eo 11% eus bugale Kumuniezh kumunioù ar Vro, dregantad uhelañ Kerne-Izel, brezhonegerien kozh ha yaouank a gomz bemdez er yezh-mañ hag a vez komzet hiziv-an-deiz gant 200 000 den (ur milion a dud e penn-kentañ an XXvet kantved), tadoù ha mammoù, tud kozh, mignoned a gomz gant ar vugale e brezhoneg. Met diwelus e chom ar yezh-mañ e-pad ar festival, estreget e skol Diwan, e-lec'h ma klask pratikoù zo komz brezhoneg evit prenañ ur grampouezhenn, e-lec'h ma vez laouen tud yaouank ha kozh eus Breizh a-bezh oc’h eskemm diwar ar c'helenn e brezhoneg, pe dre soubidigezh, forzh peseurt yezh e vefe. Al label "Bro Arz hag Istor" roet da Gemperle Gumuniezh a zo diazezet war deir elfenn, hag unan anezho a zo ar brezhoneg. Ni ho ped da ziwall muioc'h 'benn bloaz, trugarez da reiñ muioc'h a blas da yezh ar vro (ha nompas hepken war ar paper brav e kazetennoù an tiez kêr), e flyers les Rias, evit kinnig an abadennoù, evit diskouez an hent d'an dud.

Gant ar spi e vo selaouet mat ar pezh emaomp oc'h embann hiziv, kar e ouzomp pegen pouezus eo evid lod ac'hanoc'h ar politikerezh yezhel ha sevenadurel, ha n'eus douetañs ebet evidomp e vo posupl labourat asambles ganeomp, stourmerien vrezhonek ar vro, a ra war dro ar garta YAB, gant ar promesaoù ho peus graet hag ar prezegennoù war ar yezh ha sevenadur ar vro a oa ken brav.

gant hor gwellañ gourc'hemennoù

Kevredigezhioù  Kuzul Skoazell Skol Diwan Kemperle, AEP Skol Diwan Kemperle, Fea, Kuzul skoazell skol Diwan Banaleg, Lena Louarn bet e karg politikerezh Yezh Rannvro Breizh e 2010/2021.

Voir aussi :

0  0  
mailbox
imprimer
Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....
Vos 0 commentaires
ANTI-SPAM : Combien font 3 multiplié par 3 ?
Cet espace est un lieu de débat. Les attaques personnelles ne sont pas autorisées. Le trolling est interdit. Les lois contre le racisme, le sexisme, et la diffamation doivent être respectées. Les pseudos sont tolérés mais ne sont pas encouragés.
MERCI DE RESPECTER LA LANGUE DE L'AUTEUR de l'article et donc des lecteurs. Les articles écrits en français doivent être commentés en français, les articles écrits en breton doivent être commentés en breton. Cacophonie ? Merci de ne pas mélanger les langues dans le même commentaire, sauf pour la traduction intégrale du commentaire.