Lennit Bremañ miz Du ! Niverenn Bremañ miz Du (niv.313) zo nevez-deuet er-maez! Bep miz e kinnig ar gelaouenn Bremañ, abaoe 1980, pennadoù brezhonek a bep seurt, diwar-benn Breizh hag ar Bed, kinniget brav, doare magazin. Reuz Birmania, penaos emañ kont gant ar gwiskad ozon, 50 vloaz Skol gembraek Londrez, Prosez gwall-zarvoud treuzell ar c'hQueen Mary 2, un teuliadig a vo tu da lenn ivez war emdroadur ar c'helenn divyezhek er bloavezhioù tremenet... Kaoz zo diwar-benn tout-se ha leun a draoù all c'hoazh e-barzh niverenn Bremañ miz Du 2007. Teuliad ar miz zo gouestlet d'an abadennoù brezhonek a vo er bloaz-mañ en tele. TV Roazhon 35 (peder abadenn disheñvel bep Meurzh a viz da viz), France 3 Ouest (5vet deiz-ha-bloaz Mouchig-dall, 100vet abadenn Te ha Me), TV Breizh (Mil dremm, eilmouezhiañ filmoù) a ginnig er bloaz-mañ adarre abadennoù en hor yezh. Aet eo ar vrezhonegerien war ar Gwiad ivez evit kinnig un tele "all" gant WebNoz da skouer, kinniget bep miz gant Lionel Buannic. Embannet gant Skol an Emsav (4,5 euro an tamm) E gwerzh er stalioù levrioù a ginnig danvez Breizh, pe dre goumanant. Evit gouzout hiroc'h: www.breman.org
Le nouveau numéro de Bremañ est sorti ! Le numéro de novembre du magazine Bremañ propose un dossier de quatre pages sur les émissions de télé en langue bretonne. Un retour sur les événements en Birmanie, le "procès de la passerelle" du Queen Mary 2 à Saint-Nazaire, les 50 ans de l'école galloise de Londres, ainsi qu'une analyse de l'évolution de l'enseignement bilingue en Bretagne sont également au sommaire de ce nouveau numéro. Bremañ est un magazine mensuel d'information en breton, édité par Skol an Emsav et fondé en 1980. Tous les mois, l'information de Bretagne et du monde est proposé aux lecteurs brittophones, dans une mise en page simple et moderne. Disponible en librairies spécialisées dans la matière bretonne, ou par abonnement. (voir le site)