ABP

- Chronique -

Lennegezh dre skrid ha dre gomz : ne c'heller ket komz brav hepti !

13vet pennad war "Diwan, 40 vloaz dija". Ur seurt "digest" al levr embannet e miz Mae 2017 gant Yoran.

Par Fanny Chauffin pour Kerne Multimédia le 25/09/17 12:32

13vet pennad war "Diwan, 40 vloaz dija". Ur seurt "digest" al levr embannet e miz Mae 2017 gant Yoran.

Evit ur yezh skrivet (n’eus ‘met 200 anezho er bed) eo pouezus al lennegezh hag an nerzh krouiñ a vez e barzhonegoù, pezhioù c’hoari, romantoù, danevelloù, met ivez er c’hanaouennoù, hag ar glad dastumet abaoe bloavezhioù gant Dastum, pinvidigezh ar yezh komzet dre ar rimadelloù, an troioù-lavar, barzhoniezh ar bobl.

Lennit Barzaz Breizh !

Souezhet-bras e oa bet Riwanon Kervella en ur c’hlasad eilvet : ne ouient ket petra e oa ar Barzaz Breizh. Hag eviti e oa an diazez, an dra gentañ da lenn e brezhoneg. Diazez ul lennegezh, orin ur bern kanaouennoù a vez klevet, adkanet gant Jil Servat, Alan Stivell, Bernez Tangi... Pa weler eo ar C’halevala diazez ar yezh finneg ha penn kentañ ar finneg skrivet, e vez komprenet eo studiet an oberenn gant an holl vugale er vro. Pell emañ Yann eus e gazeg neuze e Breizh...

Unan eus mammennoù faltazi arzourien Vreizh eo Barzaz Breizh, ha chom hep gouzout piv e oa Kervarker, petra a c’hell degas studiadenn ar Rannoù da skouer, pe liammoù etre barzhoniezh Kembre ha Breizh, ur varzhoniezh ken kozh hag hini Roma pe Gresia a zo ur skoilh evit digeriñ dorioù an ijin.

Lennit, forzh petra, forzh penaos, met lennit e brezhoneg

N’eus digarez ebet hiziv an deiz evit chom hep lenn e brezhoneg : ur bern levrioù, troidigezhioù, enrolladennoù oberennoù klok pe danevelloù a zo da selaou war ar rouedad (rouedad radioioù e brezhoneg, CD gant levrioù, …). E levraouegoù bremañ e vez kavet ordin romantoù . E saloñs Karaez bep bloaz e vez gwelet levrioù dreist, bannoù treset, danevelloù, romantoù polis, skiant faltazi. Re nebeut, met alies ar re a glemm n’int ket ar re a lenn. Dre forzh lenn e teu gerioù nevez.

Fromus eo levrioù ‘zo, poent eo lakaat al lennegezh e brezhoneg da zont ‘ maez eus ur skeudenn « lenn rediet ». Re nebeut a lennerien, evit un 200 bennak a zanevellerien, pegen dipitus !

Evit prenañ levrioù en linenn :

(voir le site)

Voir aussi :

Les maisons géorgiennes : 250 ans d'histoire dublinoise ! par Kerne Multimedia le 19/09/2023
Jean-François Bernardini : ur stourmer evit ar yezhoù gwasket par Kerne Multimedia le 23/08/2023
Etre ar vezh hag al lorc'h : Becassine par Kerne Multimedia le 20/08/2023
Dibunadeg veur : 44 den a-dreñv giton Breizh 5 departamant ! (Bretagne Réunie à la Grande parade de Lorient) par Kerne Multimedia le 06/08/2023
Kollog Breizh keltiek : Rozenn e kreiz ar stourm par Kerne Multimedia le 05/08/2023
Keav : 400 den e korf div sizhun ! par Kerne Multimedia le 29/07/2023
Plas an niverel e korseg e Korsika : eilvet prezegenn GBB par Kerne Multimedia le 06/07/2023
Rapourien ar mikro digor : un dra nevez e GBB ! par Kerne Multimedia le 02/07/2023

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

[ Gwelout pennadoù all Kerne Multimédia]

Vos 0 commentaires

Commenter :

Put your name here

Lennit Barzaz Breizh !

Lennit, forzh petra, forzh penaos, met lennit e brezhoneg

Evit prenañ levrioù en linenn :

ABP

Agir

Nous suivre