Put your name here

Teirvet kumun Kumuniezh kumunioù Plabenneg hag an Aberioù eo Lanniliz o tivizout ez-ofisiel labourat evit ar brezhoneg gant sinadur ar garta Ya d'ar brezhoneg d'an 28 a viz Du 2008.

Sinet eo bet ar garta eta gant an Ao. Claude Guiavarc'h, maer ha kuzulier-departamant hag Andrev Lavanant, ezel eus kuzul-merañ Ofis ar Brezhoneg.

Goude Sant-Pabu e 2006 ha Plouvien e 2007 eo bet votet gant kuzul-kêr Lanniliz klask tapout label a live 1 ar garta dindan bloaz gant 5 ober da gas da benn.

40 % eus bugale ar gumun a zo skoliataet er c'hentañ derez divyezhek e Lanniliz. War a seblant koulskoude e fell d'an ti-kêr kenderc'hel da vont pelloc'h dre m'en deus dibabet daou ober a-bouez evit diorren ar brezhoneg er skolioù : ober un enklask war soñj tud ar vugale a-benn gouzout pegen dedennet ez int gant ar c'helenn divyezhek ha reiñ ur skoazell arc'hant pe deknikel evit kreñvaat ar skolioù divyezhek war e dachenn.

A-hend-all e kemero perzh Lanniliz diwar vremañ er vrudadeg evit ar c'helenn d'an dud deuet aozet gant an Ofis hag e kinnigo kartennoù-bizit divyezhek da zilennidi ar c'huzul-kêr.

ABP

• Diwar-benn
• Darempred
• Menegoù hervez lezenn
• Données personnelles
• Mise en page
• Ligne éditoriale
• Sur wikipédia

Embann

• Demander une accréditation
• Contacter la rédaction
• Poster votre communiqué vous même
• Écrire une dépêche
• Envoyer un flash info

Nous suivre

• Newsletters
• Flux RSS - français
• Flux RSS - breton
• ABP sur Facebook
• ABP surTwitter
• Chaîne Youtube ABP