Lanig al louarn, gant Jakez Riou ha strollad Mat ar jeu

- Rapport -

Ur strollad nevez evit un destenn adnevesaet dec'h e gouelioù Kerne

Fanny Chauffin pour ABP le 26/07/12 16:49

Ur strollad nevez evit un destenn adnevesaet dec'h e gouelioù Kerne

Chafod ur chanter war al leurenn. Ha tamm ha tamm e teu da vezañ kleud ar yer, toull al louarn, palez Roue Leon, stal ar c'higer... gant burzhudoù an teknik (ha tresadennoù brav bannet warnañ).

Sonerezh enrollet ha mouezhioù brav ar pevar aktour a cheñch kroc'hen ur bleiz evit hini ur c'hilog, pe c'hoazh hini al louarnez evit hini al leonez..

Ur brav a labour kaset gant ar strollad Mat ar jeu, nevez krouet gant Bob Simon ha Yann Edern. Teknikoù nevez ha levezon bras Ar Vro bagan a vez santet ingal.

Brav ivez an doare azasaat un destenn a oa ur gontadenn muioc'h eget ur pezh c'hoari, peogwir eo bet laosket a gostez an div drederenn eus oberenn Jakez Riou.

Fent Jakez Riou (ur skrivagner da adlenn, evit e fent, e dicherkerez, e c'hoant da lakaat an traoù da fiñval) a chom.

Lazhadeg ar yar a c'hell bezan kriz evit bugale vihan ha lazhadeg ar bleiz hag al louarn n'int ket gwelet. Koulskoude eo kastizet al louarn fin,met ijinet eo bet gant ur strollad un echumant disheñvel diouzh hini skrivagner "Nomenoe", "Gorsedd digor", pe c'hoazh "An dogan".

Dilhad brav treset gant Anna Duval-Guennoc, c'hoari leun a startijenn an holl aktourien a ra eus ar pezh c'hoari-mañ un oberenn evit ar re vras hag ar re vihan adalek 6 vloaz. C'hoariet o deus dek gwech e Breizh, ha gallout a reer pediñ anezho.

Ha labour ur skipailh bras eo : Pascal Cariou, Denez Abernot, ALlah's kanañ, ... a zo deuet da skoazell ha da reiñ un tammad eus o barregezhioù evit pinvidikaat ar pezh.

O chomlec'h : madarjeu.bzh [at] gmail.com

Voir aussi :

Kejadenn Gentañ ar C'hoarivaoù e Yezhoù Bro Frañs par C'Hoariva le 04/07/2019
C'hoariva er skol : un doare da vevañ ar yezh tostoc'h ouzh ar vugale ? par Kerne Multimédia le 11/09/2017
La Caminata, pezh c'hoari nevez La Obra : ur c'hoariva politikel ? par Kerne Multimédia le 01/02/2017
Deizioù : C’hoariva e brezhoneg : La Caminata, gant La Obra par Emglev Bro An Oriant le 25/01/2017
C'hoariva evit ar re vras hag ar re vihan : Luduennig par Kerne Multimédia le 01/11/2016
C'hoariva gant la Obra : krouiñ etre Guatemala ha Breizh par Kerne Multimédia le 31/10/2016
Gwreg an toer, gant Tangi Malmanche par FC le 28/02/2016
L'Instant Molière : trempés, fatigués, heureux ! par FC le 21/07/2015
Katell Igruz, c'hwec'hvet pezh c'hoari strollad C'hoarivari par FC le 06/03/2015
Théâtre / C'hoariva par le 22/12/2014

Youtuberez, kazetennerez evit Ya, Ar Men, an Abp, kelennerez, komedianez, kanerez, konterez, filmourez, ha stourmerez war dachenn ar repuidi, gwirioù mabden, ar brezhoneg, an endro e Breizh. E penn aozadur Kan ar bobl bro Kemperle, kenstrivadeg Priz ar Vugale ha Priz ar Yaouankiz, kenstrivadeg haiku Taol Kurun, bet renerez ar festival pad ugent vloaz....

Gwelout pennadoù all gant Fanny Chauffin

Vos 0 commentaires

Commenter :

Put your name here

ABP

Embann

Nous suivre